काठमाडौं । नेपाली कांग्रेस केन्द्रिय समितिका सदस्य नैन सिंह महरले समाज र समयको गतिसँगै लोकतन्त्र (डोमोक्रेसी) को स्वरूप र परिभाषा समेत परिवर्तन हुँदै गएको बताएका छन् । जनप्रशासन क्याम्पसको ४९औं वार्षिकोत्सव सप्ताहको अवसरमा स्कुल अफ डोमोक्रेसी, जनप्रशासन क्याम्पस सर्कलद्वारा आयोजित सम्मान तथा सपथग्रहण कार्यक्रममा बोल्दै महरले आधुनिक युग र युवा पुस्ताको चेतनासँग मेल खाने लोकतान्त्रिक […]

रामेछाप । रामेछाप सदरमुकाम मन्थलीलाई खाँडादेवी, दोरम्बा शैलुङ र सुनापति गाउँपालिकासँग जोड्ने मुख्य सडक खण्ड शनिवार बिहानदेखि ठूला सवारीसाधनका लागि पूर्ण रूपमा अवरुद्ध छ । रामेछापको मन्थली नगरपालिका–७ र खाँडादेवी गाउँपालिका–४ को सिमानामा पर्ने भटौली खोलाको पक्की पुलमा बाढीले क्षति पु¥याएपछि सडक अवरुद्ध भएको हो । खाँडादेवीपट्टिको पिलर पछाडिको भाग बाढीले कटान गरेपछि पुल प्रयोग प्रयोगमा आउन सकेको छैन । पुलमा क्षति पुगेसँगै साना सवारीसाधनबाहेक सबै ढुवानी साधनको सञ्चालन रोकिएको छ । बाढीले पुलको पिलरमा प्रत्यक्ष असर गरेपछि संरचनाको सुरक्षा जोखिम बढेको छ । स्थानीयका अनुसार गएको असोजमा आएको बाढीले सो पिलर पट्टिको भागमा खोलाले क्षति पुर्याएको थियो । तर त्यति बेला ध्यान नदिँदा यस पटक ठुलो क्षति भएको हो । सो पुल सञ्चालनमा नहुँदा खाँडादेवी गाउँपालिकातर्फबाट आएका १५ टनभन्दा बढी तौलका मालवाहक सवारी साधन सडकमै रोकिएका छन्। यीमध्ये अधिकांश  मरिण डाइभर्सनका सामान बोकेका ढुवानीका गाडीहरू छन्  । सुनकोशी–मरिन डाइभर्सन आयोजनाका लागि वीरगञ्जबाट सामान लिएर आएका ट्रकहरू पुल नहुँदा खाँडादेवीको पकरबासमा रोकिएका चालक सिर्जन तामाङले जानकारी दिए।  सुनकोशीको खुर्काेटमा रहेको पुलले बढी भार भएका गाडी नथेग्ने भएकोले त्यस्ता साधनहरू यही बाटो हुँदै सेलघाट जाने गर्दछन् । रामेछाप सदरमुकामबाट खाँडादेवी, दोरम्बा र सुनापतिलाई जोड्ने यो पुल काठमाडौं र तराइ जाने वैकल्पिक सडकको पुल हो । गतवर्ष असोजमा सुनकोशी नदीमा आएको बाढीले मन्थली–सिन्धुली सडक खण्ड अन्तर्गतको खुर्कोट पुल बगाएपछि सो स्थानमा वैकल्पिक रूपमा बेली ब्रिज जडान गरिएको थियो। तर सो ब्रिजबाट १५ टनभन्दा बढी तौलका सवारीसाधन सञ्चालनमा रोक लगाइएपछि सबैभन्दा भरपर्दो विकल्पको रूपमा भटौली खोलाको यो पुल प्रयोग हुँदै आएको थियो । अहिले यो पुलसमेत अवरुद्ध भएपछि सो क्षेत्रको यातायात व्यवस्थामा थप समस्या उत्पन्न भएको छ । पुलको मर्मत तीव्र गतिमा अगाडि बढाइएको पूर्वाधार विकास कार्यालय रामेछापले जनाएको छ । अबको दुई दिनभित्र पुल सञ्चालनमा ल्याउने तयारी रहेको कार्यालयका प्राविधिकले जानकारी दिए । यो पुल आर्थिक वर्ष २०७१÷०७२ मा स्विस सरकारको सहयोगमा ‘स्थानीय सडक पुल कार्यक्रम’ अन्तर्गत निर्माण गरिएको थियो। स्वच्छन्द सिर्जना जेभीले करिब चार करोड रुपैयाँ लागतमा निर्माण गरेको ४० मिटर लामो पक्की पुल वैकल्पिक सडक मार्गका हिसाबले रामेछाप जिल्लाका लागि रणनीतिक रूपमा अति महत्त्वपूर्ण मानिन्छ ।  

भोजपुर, १९ साउन स् भोजपुरको षडानन्द नगरपालिका– ३ खार्तम्छामा रहेको छाँगे झरनाको आकर्षक पर्यटकीय गन्तव्य बनेको छ । एक सय ३९ मिटर उचाइ रहेको यो झरनाको संरक्षण गरिएसँगै पर्यटकीय गन्तव्यका रुपमा स्थापित भएको हो । भोजपुरको सबैभन्दा अग्लो यो झरनाको षडानन्द नगरपालिका र कोशी प्रदेश सरकारको बजेटमा पदमार्ग निर्माणसँगै आवश्यक संरचना निर्माण गरिएको छ । […]