मलेखु धादिङ, ३ भदौः धादिङको गङ्गाजमुना गाउँपालिकाले स्वास्थ्यकर्मीलाई सम्मान गरेको छ । पहाडको भिरपाखा चिर्दै, असहज बाटो हिँड्दै, औषधि र उपकरणको अभावसँग जुध्दै दुर्गम गाउँका नागरिकको स्वास्थ्य जोगाउन दिनरात खटिएका स्वास्थ्यकर्मीलाई सो गाउँपालिकाले सम्मान गरेको हो । सहज सडक सञ्जाल नपुगेको, अस्पताल टाढा रहेको र आधारभूत सुविधा पनि न्यून रहेको दुर्गम बस्तीमा नै नागरिकलाई उपचार […]

रसुवा, ३ भदौः बाग्मती प्रदेशका आर्थिक मामिला तथा योजनामन्त्री प्रभात लामाले रसुवाली माटोले खोजेको र जनताले रोजेको योजना तथा कार्यक्रमलाई बजेट व्यवस्था गरी जिल्लवासीको पक्षमा काम गर्ने बताएका छन् । अर्थमन्त्री पदमा नियुक्त भएपछि पहिलोपटक गृहजिल्ला आउनुभएका नेता लामाले शिक्षा, स्वास्थ्यसहित विकास निर्माणका हिसाबले पछि परेका रसुवाली जनताको भावना र चाहना बमोजिम सक्दो काम गर्ने […]

काठमाडौं । कुनै समय यस्तो थियो–बजारका फोटो स्टुडियोहरुमा फोटो खिच्न लाइन बस्नुपर्ने, पालो कुर्नु पर्दथ्यो । व्यवसाय पनि उसैगरी चम्किन्थ्यो । खिचेको फोटो धुलाएर लिन हप्ता दिननै कुर्नुपर्ने अवस्था थियो । तर समय बदलियो । प्रविधिको विकासले स्टूडियोसम्म धाउनेहरु मोवाइलमै अभ्यस्त हुनथाले । स्टूडियोसम्मै पुग्नेहरुको संख्या पातलिएको छ । झकिझकाउन र भरिभराउ हुने फोटो स्टूडियोहरु खुम्चिएका छन् । व्यवसाय साँघुरिएको छ । एन्ड्रोइड र आइफोन मोबाइल सेटमा सुविधायुक्त क्यामेराले फोटोप्रेमीहरुलाई भुलाइदिएको छ । स्टुडियोमा गएर फोटो खिच्ने चलन हराँउदै गएको छ । फोटो धुलाएर अर्थात प्रिन्ट गरेर एल्बममा राख्ने चलन हराउँदै गएको छ । तर व्यवसायीहरुको बुझाइमा स्टूडियोमा व्यावसायको तौर तरिका र शैली फेरिएको छ । तर फोटोग्राफी बदलिएको छैन् । काठमाडौं न्यूरोडमा रहेको फोटो कन्सर्न ६५ बर्षदेखि स्टुडियोकै रुपमा चलिरहेको छ । प्रबन्ध निर्देशक दिनेशराज अर्याल भने स्टूडियो चलाउने वा काम गर्ने तरिकाहरुमा भरपर्ने बताउँछन् । ‘हामी समय अनुसार काम गर्छौं । हिजोभन्दा आज झन राम्रो हुँदै गइरहेको जस्तो लाग्छ,’ उनी भन्छन् । ‘६५ वर्ष पूरानो स्टुडियोे हो हाम्रो । फोटोग्राफी एउटा पेशा र व्यवसाय हो । यो क्षेत्रमा व्यवसायीहरू आउने जानेक्रम चलिरहन्छ । को ठिक छ र को जान्छ भन्ने कुरा समयले बताउने हो । त्यो व्यक्तिको व्यवसायीको इन्भेस्टमेन्ट, उसले गर्ने काम, तरिकामा भरपर्छ । हामी ६५ वर्षदेखि यही चोकमा टिकिरहेका छौँ । हिजोभन्दा आज झन राम्रो गरिरहेका छौं,’ उनले भने । उनले फोटोग्राफीले पहिला भन्दा अझै बढी विस्तृत रूपमा परिमार्जित र अझ बढी विस्तार हुँदै गइरहेको पनि बताए । हिजो स्टुडियोमा फोटो खिच्नुपथ्र्यो भने आज घरमै खिच्न सकिने भन्दै फोटोग्राफीले रूप परिवर्तन गर्दै आएको बताए । ‘फोटोग्राफी कता गइरहेको छ, कतै यो व्यवसाय नै मरिरहेको त छैन भन्ने खालको जिज्ञासा हुनु स्वाभाविक हो । धेरै मानिसहरूले यही जिज्ञासा राख्छन् । तर यो क्षेत्र विस्तृत रूपमा परिमार्जित एवम विस्तार हुँदै गइरहेको छ । रूप परिवर्तन गर्दै आइरहेको छ । हिजो स्टुडियोमा फोटो खिच्नुपथ्र्यो भने त आज घरमै खिच्न सकिन्छ । फोटोलाई रूपान्तरण गर्ने एवम धुलाउने प्रक्रियामा केही परिवर्तनहरू आएको छ । जसले आत्मसाथ गर्न सक्यो, उसले व्यवसाय राम्रै गरिरहेको छ,’ उनले भने । उनले एन्ड्रोइड फोन अथवा राम्रो रिजोलुसन भएका क्यामेरा भएका फोनहरूको उत्पत्ति भएपछि फोटोग्राफीलाई झनै सहयोग पुगेको बताए । फोटो खिच्नुमात्रै फोटोग्राफी नभएको भन्दै फोटोले एउटा सिंगो कथावस्तु बताउने गरेका छन् । उनले फोटोग्राफीको क्षेत्रले आफ्नो हिसाबले विस्तार भएको र फोटोग्राफीकै कारण  मोबाइल, डीएसएलआरहरूको  बढी प्रयोग भएको बताए । ‘एन्ड्रोइड अथवा राम्रो रिजोलुसन भएका क्यामेरा भएका फोनहरूको जब उत्पत्ति भयो फोटोग्राफीमा केही परिवर्तन आयो । घरघरमै फोटोग्राफर भएपछि फोटो किन खिच्न स्टुडियो जानुपर्यो ? फोटो खिच्नु मात्रै फोटोग्राफी होइन । फोटोले कथावस्तु बोकेको हुनुपर्छ । । इतिहासलाई सम्झाउने र उजागर गर्ने हुनुपर्छ,’ उनले भने । उनले अगाडि भने,‘फोटो खिच्नु मात्र ठूलो कुरा होइन । यसको एउटा प्रोसेस हुन्छ । खिच्नुदेखि कसरी धुलाउने, केमा धुलाउने, कसरी राख्ने भन्ने कुराहरु अन्तिमसम्म एउटा प्याकेजको रूपमा लिनुपर्छ । यसको क्षेत्र विस्तार भइरहेको छ । टेक्निकल इनोभेसनहरू या मोबाइलहरू, अर्थात डीएसएलआरहरूको प्रयोग बढ्दो छ । यो क्षेत्र साँघुरिएको होइन, विस्तार भएको छ । व्यवसायमा सहयोग पुगेको छ,’ उनले भने  । उनले सरकारले अनलाइन फर्महरू भराउने गरेकाले पासपोर्ट साइजको फोटो खिच्नको संख्या घटेको दाबी गरे । उनले अहिले पासपोर्ट नभएपनि फेमिली फोटो बढी खिच्ने गरेको बताए ।अहिले बजारमा पासपोर्ट साइजको फोटा खिचेर व्यवसाय चलाउँछु भन्नेको संख्या नरहेको बताए । व्यवसायलाई राम्रो गर्नलाई सरकार भन्दा पनि आफैं क्रियाशील बन्नुपर्ने उनको धारणा छ । बागबजारमा रहेको एम यस डिजिटलका सन्चालक लक्ष्मण खनाल फोटोग्राफी राम्रो व्यवसाय भएपनि पछिल्लो समय खस्किदै गएको बताउँछन् । ‘पहिला राम्रो थियो अहिले धेरै कम भइरहेको छ । मैले डिजिटलको सुरुवात भएदेखि नै व्यवसाय सुरु गरेको हुँ । सुरु सुरुमा राम्रो थियो । ०७५–७६ साल पछाडि कम हुँदै गएको छ । पहिलो फूल साइजको फोटोहरु धेरै खिचिन्थ्यो अहिले त्यो बन्द जस्तै भएको छ । सबैको हात हातमा मोबाइल हुने साथै अनलाइन सिस्टमको विकासले व्यवसायमा कमी आएको छ,’ उनले भने । उनले अहिले फोटोहरु इन्डोर भन्दा पनि आउटडोरमा बढी सुट हुने गरेको बताए । उनले भने ‘हिजोआज फोटो सुटहरु गर्नलाई स्टूडियोमै आउनेहरुको संख्या घटेको छ । आउटडोरमा सुट गर्नेको संख्या बढेको छ । । विभिन्न ठाउँमा घुम्न जाने सुट गर्ने गर्छन् । पासपोर्ट र डिभी भर्नेको संख्या पनि एकदम कम छ’ । व्यवसाय गर्दा सरकारलाई कर तिर्नुपर्ने तर कुनै सेवा सुविधान नहुने भएकाले खर्च धान्नै कठिन भइरहेको उनले बताए । उनले भने ‘हामीले राज्यलाई कर चाँही तिर्छौं । समयमै नतिरे जरिवाना लाग्छ । तर राज्यबाट व्यवसायमा सेवा सुविधा र सुरक्षाको ग्यारेन्टीहरु छैन् । व्यापार ४० प्रतिशतले घटेको छ ।’ पछिल्लो समय फोटोग्राफीप्रति युवाहरुमा आकर्षण बढेपनि व्यवसायिक रुपमा खुलेका फोटो स्टूडियोहरुको व्यापार भने सन्तोषजनक नभएको स्टुडियो संचालकहरुको भनाइछ ।    

काठमाडौँ । ट्रिनिटी मार्केटिङ एण्ड इभेन्ट म्यानेजमेन्ट प्रालि र ओसीएस बिजनेस सोलुसन प्रालिको संयुक्त आयोजनामा भदौ ६ गते, शुक्रबार राजधानीको नयाँबानेश्वर स्थित अर्पण ब्याङ्क्वेटमा निभिया महिला विशेष तीज मेला २०८२ हुने भएको छ । बिहान १० बजेदेखि साँझ७ बजेसम्म सञ्चालन हुने मेलामा विविध सांस्कृतिक, मनोरञ्जनात्मक र जनचेतनामूलक कार्यक्रमहरू रहनेछन् । मेलाको मुख्य आकर्षणमा तीज नृत्य कार्यक्रम, डीजे संगीत, चर्चित कलाकारहरूको दमदार प्रस्तुती, समाज डेण्टलद्वारा निःशुल्क दन्त स्वास्थ्य परीक्षण शिविर, फायर एण्ड रेस्क्यू एकेडेमी नेपालद्वारा किचेनमा अग्नि सुरक्षा सम्बन्धी सचेतना, स्किन केयर सम्बन्धि चेतना मूलक कार्यक्रम, विश्वको प्रथम प्राकृतिक दुखाई विशेषज्ञबाट निःशुल्क परामर्श, विभिन्न उत्पादनहरूको प्रदर्शनी तथा बम्पर लक्की ड्र रहेका छन् । साथै, मेलामा १५ वटा स्टलमार्फत विभिन्न उत्पादन र सामग्रीहरूको प्रदर्शनी र बिक्री गरिनेछ । कार्यक्रममा लोकप्रिय गायिका शशी पुन मगर र गायक रबि रिमालले आकर्षक प्रस्तुति दिनेछन् भने दिनभर कार्यक्रम सञ्चालन शीतल शर्माले गर्नेछिन् । मेलालाई निभियाले मुख्य प्रायोजक तथा कियाना अर्नामेन्ट्सले सह–प्रायोजक गरेका छन् । यस्तै, कार्यक्रमलाई समर्थन गर्ने संस्थाहरूमा किवानिस क्लब अफ म्यारिगोल्ड, वीन, सनबिम, होटल ब्लुबेरी, सुस्वास्थ्य हस्पिटल, समाज डेण्टल, किवानिस क्लब अफ धौलागिरि, किवानिस क्लब अफ ताहाखेल, ललितपुर, फायर एण्ड रेस्क्यु अकादमी नेपाल, मिशन नेपाल होलिडेज, आरोध्य मालिस तेल, जेसीज धापासी, पूर्ण वाटर रहेका छन् ।