सिरहा । नवराजपुर गाउँपालिका–१ भगवतीपुर तामासुइयाकी १७ वर्षीया किशोरी रिंकु सदाको सामूहिक बलात्कारपछि दुरुत्साहनपूर्ण हत्या भएको घटनामा दोषीहरु उपर कानूनी कारवाही गर्न ढिलाई भएको भन्दै मुसहर समुदायले प्रदर्शन गरेका छन् ।
मुसहर समुदाय सघर्ष समिति सिरहाद्वारा लहानमा शनिबार एक विशाल प्रदर्शनको आयोजना गरियो । हजारौं मुसहर नरनारी, किशोर किशोरी तथा युवाहरुले न्यायको माग गर्दै लहानको सडकमा सिंहनाद गरे ।
उनीहरुले वास्तविक अपराधी पक्राउ गर्न प्रहरीले आनाकानी र ढिलाई गरिरहेको भन्दै दोषीलाई कानूनको कठघरामा ल्याउन ढिलाई गरे कडा सघर्षमा उत्रिने चेतावनी पनि दिए ।
मुसहर समुदायका अगुवा अरुण सदाले दलित, गरिब र कमजोर वर्गप्रति न्याय गर्न र उनीहरुको सुरक्षा प्रवन्ध गर्न सरकारसँग माग गरे । सदाले रिंकुलाई न्याय दिन ढिलाइ गरिए सिरहाको सडकमा आगो बल्ने दावी गरे ।
उनले स्थानीय प्रहरी प्रशासनलाई चेतावनीयुक्त स्वरमा भने,‘आन्दोलनको बाढीले बगाउला । सामुहिक बलात्कार र हत्या जस्तो जघन्य अपराधमा पनि अपराधी बचाउन खोज्ने प्रहरी तथा प्रशासनलाई छोडिने छैन ।’
प्रदर्शनसहितको ¥यालीले लहान बजार परिक्रमा गरेर स्थानीय प्रहरी र प्रशासन विरुद्ध चर्का नारा लगाएका थिए । कोण सभा गरी समापन गरिएको थियो ।
थप समाचारहरु
रामजानकी विवाहपञ्चमी स् अयोध्याबाट जनकपुरधाम आइपुगे जन्ती
प्रहरी र कर्मचारीबिना सरकार हुन सक्दैन : विमलेन्द्र निधि
मधेश प्रदेशको अवस्था दयनीय भयो, डिप्रेसन हुन लागें : मन्त्री यादव
माओवादी चुनाव लड्नै सक्दैन भन्ने विरोधीहरुको भाष्य खारेज भयो : प्रचण्ड
कृषिलाई प्रविधीमैत्री बनाउन सके सम्पूर्ण राष्ट्रलाई मधेशले धान्न सक्छ : मन्त्री क्षेत्री
धनुषामा राजेन्द्र लिङ्देनको पुतला दहन
