बारा । बारा जीतपुरसिमरा उपमहानगरपालिका वडा नम्बर ६ को आफ्नै पक्की भवन बन्ने भएको छ ।
भाडाको घरमा वडा कार्यालय संचालन हुँदै आएकोमा नगौल गाउँमा पक्की भवन निर्माणको काम थालिएको हो ।
मधेस प्रदेशका सभा सदस्य देवनारायण चौधरी र जीतपुरसिमरा उपमहानगरपालिकाका नगर उपप्रमुख भोला प्रसाद अधिकारीले आइतबार एक कार्यक्रमकाबीच संयुक्त रूपमा शिलान्यास गरेका हुन् ।
वडा कार्यालयको ५३ लाख बजेटमा ६ कोठे पक्की भवन बन्न लागेको हो । वडा अध्यक्ष कैमुदिन अंसारीले चाँडै भवन निर्माणको काम सकेर सेवा प्रवाह गरिने बताए ।
उनका अनुसार भवन निर्माणका लागि स्थानीय समाजसेवी बदरूल होदा अंसारीले १ कठ्ठा ५ धुर नीजि जग्गा वडा कार्यालयको नाममा पास गरेपछि वडा कार्यालयले बजेट विनियोजन गरेको हो ।
शिलान्यास कार्यक्रममा विभिन्न संघ संस्थाको प्रतिनिधि तथा सञ्चारकर्मीको उपस्थिति रहेको थियो ।
थप समाचारहरु
अयोध्यामा श्रीराम तिलकोत्सव माता सीताको अभिभावकको भूमिकामा मधेशका मुख्यमन्त्री सहभागी
मधेश प्रदेशसभाको चौथो अधिवेशन सुरु
मोतियाविन्दुका बिरामीको निः शुल्क उपचार गर्दै सगरमाथा आँखा अस्पताल
धनुषा र महोत्तरीमा होली : आठ सवारी दुर्घटना, नौं घाइते, एकमाथि चक्कु प्रहार
मधेश कृषि विश्वविद्यालयका भीसी महतोलाई नहटाउन अन्तरिम आदेश जारी
फोहोरलाई जथाभावी विसर्जन गर्दा वनस्पति र बन्यजन्तुलाई असर
