१२ भदौ, काठमाडौं। मेटा कम्पनीले फेसबुक मेसेन्जरको कम स्टोरेज तथा डाटा खपत गर्ने संस्करणको रुपमा रहेको मेसेन्जर लाइट बन्द गर्ने भएको छ ।
समाचार अनुसार गुगल प्ले स्टोरबाट यसअघि नै हटाइएको यो एप एन्ड्रोइड डिभाइसमा आगामी महिनादेखि बन्द हुनेछ । अर्थात् जो प्रयोगकर्ताको स्मार्टफोनमा यसअघि नै मेसेन्जर लाइट एप डाउनलोड भैसकेको छ उनीहरुका लागि समेत सेप्टेम्बर १८ देखि एन्ड्रोइडले सपोर्ट बन्द गर्नेछ भने सेप्टेम्बर २८ देखि मेसेज आदानप्रदान नै रोक्नेछ ।
फेसबुकले सन् २०१६ मा मेसेन्जर लाइट एप ल्याएको थियो । यो एप प्रयोगकर्तामाझ निकै लोकप्रिय पनि थियो । डिभाइसको स्टोरेज कम ओगट्ने तथा डाटा खपत पनि कम गर्ने यो एप आइओएसमा भने सन् २०२० मै बन्द गरिएको थियो ।
मेसेन्जर लाइटलाई विश्वभरका ७६करोड मानिसले डाउनलोड गरेका थिए । यसका सबैभन्दा धेरै प्रयोगकर्ता भारतमा थिए भने दोश्रोमा ब्राजिल र तेश्रोमा इण्डोनेसिया थियो ।
मेटाले मेसेन्जर लाइटमा विभिन्न खालका परिवर्तन गरेको छ । आगामी सेप्टेम्बर २८ देखि यो मेसेन्जर एपले एसएमएस सपोर्ट नगर्ने बताइएको छ । अर्थात् सेप्टेम्बर २८ देखि मेसेन्जर लाइटबाट मेसेज पठाउन तथा प्राप्त गर्न सकिनेछैन ।
फेसबुक मेसेन्जरको मूल संस्करणमा यो वर्षको अन्त्य सम्ममा एण्ड टू एण्ड एन्क्रिप्सन फिचर सहित सुरक्षा तथा गोपनियता फिचर थप गर्ने योजना बनाएको मेटाले लाइट भर्सनलाई बन्द गर्ने निर्णय गरेको हो । एजेन्सीको सहयोगमा
थप समाचारहरु
फेसबुकले ल्यायो नयाँ फिचर, अब एउटै अकाउन्टबाट ४ वटा प्रोफाइल बनाउन सकिने
एपमार्फत् प्रयोगकर्ताका डेटा लिनेमा फेसबुक पहिलो, टिकटकको अवस्था के छ ?
विश्वभर फेसबुक, म्यासेन्जर र इन्स्टाग्राम ‘डाउन’, लाखौ प्रयोगकर्ता पहुँच बाहिर
फेसबुक र इन्स्टाग्राममा फेरि देखियो प्राविधिक समस्या
तनहुँ जलविद्युत् आयोजनाले माछा संरक्षण गर्दै
गुञ्जिन छाडे मौलिक लोकभाका
