१० किलो गाँजासहित तीन भारतीय पक्राउ

बारा । बाराको प्रसौनीबाट प्रहरीले १0 किलो गाँजासहित तीनजना भारतीय नागरिकलाई पक्राउ गरेको छ ।
पक्राउ पर्नेमा भारत उत्तर प्रदेशको कुशीनगर, थाना पटेर्वा, ग्राम पंचायत जबरा बजार निवासी ३८ वर्षीय चालक धर्मेन्द्र गुप्ता, शिवान थाना नौतन, ग्राम पंचायत सेमरा निवासी ४८ वर्षीय चन्द्रभान कुशवाहा, र लखनऊ नगरपालिका, सरोजीनगर, ट्रान्सपोर्ट नगर निवासी ३२ वर्षीय चन्द्रभान श्रीवास्तव रहेका छन् ।
इलाका प्रहरी कार्यालय प्रसौनीबाट प्रहरी निरीक्षक सुरेशराज भट्टको नेतृत्वमा खटिएको टोलीले प्रसौनी गाउँपालिका वडा नं। ५ स्थित प्रष्टोकाबाट बेलहिया जाँदै गरेको युपी ३२ बिएक्स ४७२६ नम्बरको भारतीय बोलेरो गाडीमा सेतो प्लास्टिकमा प्याक गरिएको गाँजा फेला परेको हो ।
प्रहरीले पक्राउ परेका व्यक्ति र गाँजासहितको बोलेरो गाडीलाई नियन्त्रणमा लिई आवश्यक कानूनी कारबाही प्रक्रिया अघि बढाएको छ।बाराका प्रहरी प्रवक्ता तथा प्रहरी नायव उपरीक्षक प्रकाश सापकोटाका अनुसार पक्राउ परेका तीनैजनालाई बाराको जिल्ला अदालतबाट म्याद लिएर थप अनुसन्धान भइरहेको छ ।

थप समाचारहरु

विद्युतको ट्रान्सर्फमर खोलेर त्यसभित्रका धातु चोरी २० बर्षदेखि फरार अभियुक्त रौनियार पक्राउ गौर राइस मिल क्षेत्रको जग्गा अधिग्रहण विषयमा मुख्यमन्त्री सिंहको ध्यानाकर्षण जनकपुरधामस्थित चरणपादुका पक्षालसर पोखरीमा एक पुरुषको शव फेला १ सय ६ बोरा गहुँ र २८ बोरा चामलको कनिका बरामद मधेश प्रदेशसभा सदस्य सांसद ललिता दासमाथि लुटपाट प्रयास !