२६ पुस, रौतहट । रौतहट प्रहरीले किटानाशक औषधि बोकेको पिकअप गाडी र गहुँ बोकेको ट्रयाकटरसहित दुइ जनालाई नियन्त्रणमा लिएको छ । जिल्ला प्रहरी कार्यलय गौरबाट खटिएको गस्ती टोलिले गौर नगरपालिका वडा नं.५ सिया होटल नजिकबाट पिकअप र ट्रयाकटर नियन्त्रणमा लिएको हो ।
रौतहट प्रहरी निरीक्षक उमा शंकर प्रसादका अनुसार किटानाशक औषधि लोड गरेको ना.२च.७७६१ र गहुँ बोकेको ना.२ त १६५० को ट्रयाकटरलाइ नियन्त्रणमा लिएको छ । ट्रयाकटर चालक ४५ बर्षका सन्जिप यादव र पिकअप गाडीका चालक ३० बर्षको सुनिल यादवलाई पक्राउ गरिएको उनले जानकारी दिए ।
गाडीहरुमा लोड सामनहरु र गाडीमा रहेको बिल बिजकहरु फरक देखिएको हुँदा नियन्त्रणमा लिएको उनले बताए । उक्त सामनहरु , गाडी र चालकहरुलाई थप अनुसन्धानका लागी आन्तरिक राजस्व करदाता कार्यलय गौरमा पठाइएको प्रहरीले जानकारी दिएको छ ।
यसैगरी जिल्ला प्रहरी कार्यलयबाट खटिएको गस्ती टोलिले गौर नगरपालिका वडा नं ४ बस पार्कबाट एक लाख ६० हजार भन्दा बढीको अवैध सामान बरामद गरेको छ । प्रहरीका अनुसार चिनी , मैदा , तिल, तेल लगायतका सामन बरामद भएको हो । बरामद सामान आवश्यक कारबाहीका लागि गौर भन्सारमा बुझाइएको जिल्ला प्रहरी कार्यलय रौतहटले जनाएको छ ।
थप समाचारहरु
विद्युतको ट्रान्सर्फमर खोलेर त्यसभित्रका धातु चोरी
२० बर्षदेखि फरार अभियुक्त रौनियार पक्राउ
गौर राइस मिल क्षेत्रको जग्गा अधिग्रहण विषयमा मुख्यमन्त्री सिंहको ध्यानाकर्षण
जनकपुरधामस्थित चरणपादुका पक्षालसर पोखरीमा एक पुरुषको शव फेला
१ सय ६ बोरा गहुँ र २८ बोरा चामलको कनिका बरामद
मधेश प्रदेशसभा सदस्य सांसद ललिता दासमाथि लुटपाट प्रयास !
