२८ कात्तिक, काठमाडौं । माल्दिभ्समा सम्पन्न पन्ध्रौं विश्व शारीरिक सुगठन तथा फिजिक च्याम्पियनसिपमा रजत पदक विजेता नेपाली महिला बडीबिल्डर सनम मूलगुठी स्वदेश फर्किएकी छन् ।
पन्ध्रौं विश्व शारीरिक सुगठन तथा फिजिक च्याम्पियनसिपमा सहभागि भएर उनी आज बुधबार दिउँसो त्रिभुवन अन्तरराष्ट्रिय विमानस्थलमा अवतरण गरेकी हुन् ।
उनले वुमन्स वान पिस स्विमसुट १६५ सेन्टिमिटर विधामा दोस्रो स्थान हात पारेकी थिइन् । १९ जनाले यस इभेन्टमा प्रतिस्पर्धा गरेका थिए । गत वर्ष सनमले ५५ औं एसियन बडीविल्डिङ तथा स्पोर्ट्स फिजिक च्याम्पियनसिपमा स्वर्ण पदक जितेकी थिइन् । उनी एसियनमा स्वर्ण जित्ने पहिलो नेपाली खेलाडी हुन् । सन् २०१८ मा मिस भक्तपुर घोषित उनी दुई वर्ष प्लेयर अफ द इयर चुनिसकेकी छन् ।
विमानस्थलमा पत्रकारसँग कुराकानी गर्दै मूलगुठीले खेलबाटै विश्वमा नेपाललाई चिनाउने काम गरिरहेको भएपनि सरकारले आफूहरुका लागि केही नगरेको गुनासो गरिन् ।
‘हामीलाई पनि राज्यले हेरिदेओस् भन्ने लाग्छ । हामीले पनि त खेलेरै विश्वमा देशलाई चिनाइरहेका छौं । दुर्भाग्य नेपालले नै हामीलाई चिन्दैन । यही दुखेसो छ,’ उनले भनिन् ।
थप समाचारहरु
जसपालाई समेटेर मन्त्रिपरिषद् विस्तार गर्दै प्रचण्ड
पेरिस ओलम्पिक : प्रिन्स समूह चरणको सबै खेलमा पराजित
मिटरब्याज पीडितहरुका समस्या चाँडो समाधान गरौं : ठाकुर गैरे
नव दृष्टि आँखा अस्पतालद्वारा करिब १४ हजार जनाको निःशुल्क आँखा परीक्षण
संविधान संशोधन सबैदलको सहमतिमा हुन्छ : गृहमन्त्री लेखक
आजको मौसम : हिमाली क्षेत्रमा आंंशिक बदली रहने सम्भावना
