देशका विद्यमान समस्या हल गर्ने सबैभन्दा ठूलो जिम्मेवारी कांग्रेसले लिनुपर्छ

काठमाडौं ।  नेपाली कांग्रेसका महामन्त्री गगनकुमार थापाले देशको समस्याको हल गर्ने  सबैभन्दा ठूलो जिम्मेवारी कांग्रेसले लिनुपर्ने बताएका छन् ।

आइतबार ‘मिश्रित निर्वाचन प्रणाली’ विषयक विवेचनात्मक छलफल कार्यक्रमलाई  सम्बोधन गर्दै उनले संसद्मा मात्र ठूलो नभएर देशको समस्याको हल गरेर ठूलो जिम्मेवारी लिनुपर्ने बताएका हुन् ।

उनले  भने, ‘नेपालको  सबैभन्दा ठूलो दल हुने  सुविधा हामीले त्यसै पाउँदैनौं । ठूलो दल भनेको संसदमा मात्र ठूलो भएर हुँदैन । देशको समस्याको हल गर्ने ठूलो  जिम्मेवारी पनि हामीले लिनुपर्छ । त्यसकारणले मात्र हामी ठूलो हो । हाम्रो जिम्मेवारी पनि त्यहीँ अनुसारको छ ।’

साथै उनले पार्टीमा अलमल र आशंका गर्ने छुट कसैलाई नभएको बताए ।  उनले आन्दोलनबाट स्थापित गरेको  समावेशीता, समानुपातिक प्रतिनिधित्व, महिलाको प्रतिनिधित्व, दलितको प्रतिनिधित्व कहिले नघट्ने बताए ।

उनले  भने, ‘हामीले हाम्रो आन्दोलनबाट स्थापित गरेको समावेशीता समानुपातिक प्रतिनिधित्वो, महिलाको प्रतिनिधित्व, दलितको प्रतिनिधित्व बढ्छ तर घट्दैन ।’

थप समाचारहरु

जसपालाई समेटेर मन्त्रिपरिषद् विस्तार गर्दै प्रचण्ड माओवादी केन्द्रको लुम्बिनी प्रदेशस्तरीय परामर्श बैठक सुरु संविधान संशोधन सबैदलको सहमतिमा हुन्छ : गृहमन्त्री लेखक अध्यक्ष लिङदेनको चेतावनी : आन्दोलनमा दमनको सहारा लिएमा बढारिनुपर्ने छ गृहमन्त्री लेखक र भाजपा नेता कोश्यारीबिच भेटवार्ता रास्वपा र रवि लामिछानेलाई अन्याय नहोस् भनेर अहिलेपनि लागिरहेको छु : अध्यक्ष प्रचण्ड