ट्रकमा च्यापिएर चालकको मृत्यु

२९ साउन, सप्तरी । सप्तरीको शम्भुनाथ नगरपालिका–५ स्थित पूर्व–पश्चिम राजमार्गमा आज बिहान भएको दुर्घटनामा ट्रक चालकको घटनास्थलमा नै मृत्यु भएको छ ।

पश्चिमबाट पूर्वतर्फ जाँदै गरेको मधेस प्रदेश ०३–००१ ख ८१८१ नंको क्लिङ्कर लोड भएको १२ चक्के ट्रक दुर्घटना हुँदा सोही ट्रकका चालक मोरङको उर्लाबारी नगरपालिका–१ का २५ वर्षीय सबिन राईको मृत्यु भएको प्रहरीले जनाएको छ । शम्भुनाथ–५ स्थित मोहनपुर पुलबाट २० मिटर तल खसेको ट्रकभित्र चालक राईको च्यापिएर घटनास्थलमा नै मृत्यु भएको जिल्ला प्रहरी कार्यालयका प्रहरी नायब उपरीक्षक ढुण्डिराज नेउपानेले बताए । शवलाई क्रेन र स्काभेटरको सहयोगमा निकाल्ने कार्य भइरहेको प्रनाउ नेउपानेले बताए ।

थप समाचारहरु

जसपालाई समेटेर मन्त्रिपरिषद् विस्तार गर्दै प्रचण्ड पेरिस ओलम्पिक : प्रिन्स समूह चरणको सबै खेलमा पराजित आजको मौसमः केही प्रदेशको पहाडी भूभागका वर्षाको सम्भावना संविधान संशोधन सबैदलको सहमतिमा हुन्छ : गृहमन्त्री लेखक आजको मौसम :  हिमाली क्षेत्रमा आंंशिक बदली रहने सम्भावना आजको मौसमःयी स्थानमा हिमपात र वर्षाको सम्भावना