फागुन, काठमाडौं । काठमाडौंमा फोहोर टिप्ने नाममा घरभित्र पसेर चोरी गरेको आरोपमा प्रहरीले ५ जनालाई पक्राउ गरेको छ । यो समूहले काठमाडौंका छुट्टाछुट्टै तीन ठाउँबाट गरी झण्डै एक करोड रुपैयाँको धनमाल चोरी गरेको पाइएको उपत्यका अपराध अनुसन्धान कार्यालयले जनाएको छ ।
पक्राउ पर्नेमा भारतीय नागरिक लक्का भन्ने विकास पोद्दार, जितेन्द्र पोद्दार, भाइलाल पोद्दार, सञ्जय पोद्दार र मञ्जुदेवी पोद्दार रहेका छन् । उनीहरुले माघ २८ गते गोकर्णेश्वर नगरपालिका-४ माकलबारीस्थित दिलमाया आलेमगरको घरबाट नगद र गरगहना गरी ६५ लाख रुपैयाँको धनमाल चोरेको प्रहरीको भनाइ छ ।
त्यस्तै काठमाडौं महानगरपालिका १० बानेश्वरमा दिनेश घिमिरेको घरबाट २५ लाख र गोकर्णेश्वर नगरपालिका ३ मा गीता राईको घरबाट ४ लाख १० हजार रुपैयाँको धनमाल लुटेको पाइएको अपराध अनुसन्धान कार्यालयका प्रवक्ता एसपी रवीन्द्र रेग्मीले जानकारी दिए ।
थप समाचारहरु
हत्या आरोपमा श्रीमान–श्रीमतीसहित ४ जना पक्राउ
सुन तस्करीमा मुछिएका कलेज सञ्चालक गुरुङ पक्राउ
ढोकामा लगाउने आग्लोले टाउकोमा प्रहार गरी बाबुको हत्या, छोरा र बुहारी पक्राउ
विराटनगरमा हत्या भएकी नर्सका प्रेमी पनि मृत भेटिए
उपप्राध्यापक प्रेम चलाउनेलाई आक्रमण गर्ने एक जना पक्राउ
पर्सामा श्रृंखलाबद्ध हत्या र डकैतीमा संलग्न अभियुक्त २५ वर्षपछि पक्राउ
