स्याङ्जामा बलेरो जिप दुर्घटनाः एक जनाको मृत्यु, २० घाइते

रौतहट । स्याङ्जाको वालिङ नगरपालिका–७ लभ्ली डाँडास्थित मिर्दि–चापाकोट सडक खण्डमा शुक्रबार एउटा डवल क्याप बलेरो जिप दुर्घटना हुँदा एक जनाको मृत्यु भएको छ भने २० जना घाइते भएका छन्।

ताप्केबाट वालिङतर्फ आउँदै गरेको द्यब्ब् ७९०५ नम्बरको जिप सडक छेउमा पल्टिएर दुर्घटना भएको हो। दुर्घटनामा परी वालिङ नगरपालिका वडा नं. ७ बस्ने २५ वर्षीय राजेन्द्र बिरकट्टाको ज्यान गएको प्रहरीले जनाएको छ।

क्षमताभन्दा बढी यात्रु बोकेको उक्त जिपमा कुल २२ जना सवार थिए । दुर्घटनामा घाइते भएका २० जनालाई तत्काल उद्धार गरी प्राथमिक स्वास्थ्य केन्द्र वालिङ पु¥याइएको थियो।

त्यहाँ सामान्य उपचार गरेपछि थप उपचारका लागि १७ जनालाई पोखरा र २ जनालाई बुटवल रिफर गरिएको छ । घाइतेमध्येका एक बालकको भने प्राथमिक स्वास्थ्य केन्द्र वालिङमै उपचार भइरहेको छ ।

प्रहरीले जिप चालक वालिङ नगरपालिका–७ बस्ने २८ वर्षीय मीन बहादुर सारूलाई नियन्त्रणमा लिएको छ । दुर्घटनाको कारणबारे थप अनुसन्धान भइरहेको प्रहरीले जनाएको छ ।

थप समाचारहरु

मिथिला परिक्रमाका यात्रीहरूले खेले होली (तस्बिरहरू) नगर प्रमुख विरुद्धमा नाराबाजी सहित टायर बालेर प्रदर्शन महोत्तरीमा यात्रुवाहक बस दुर्घटना, एक दर्जन बढी घाइते वातावरणीय असन्तुलन सबैका लागि चिन्ताको विषय : मुख्यमन्त्री सिंह मधेश प्रदेश : सरकार गठन गर्न सात दलले आज दाबी पेश गर्दै रौतहटमा निर्वाचन प्रहरीप्रति आकर्षण : मागभन्दा दोब्बर आवेदन दर्ता