कर्णालीमा पर्यटन महोत्सव : नेपाल–भारतका पर्यटक सहभागी

सुर्खेत । प्रथम कर्णाली पर्यटन महोत्सव शुरु भएको छ । कर्णाली प्रदेश सरकारका वन, वातावरण, उद्योग र पर्यटनमन्त्री सुरश अधिकारीले एक समारोहकाबीच महोत्सव उद्घाटन गरेका हुन् । महोत्सव उद्घाटन गर्दै मन्त्री अधिकारीले कर्णालीको आर्थिक आधार पर्यटन क्षेत्रलाई बनाउन सकिने भन्दै त्यसका लागि सरकार आवश्यक वातावरण बनाउन प्रतिबद्ध रहेको बताए ।

कर्णालीको आर्थिक बिकासको आधार पर्यटन सम्भावना रहेको भन्दै उनले कर्णालीमा पर्यटकका लागि आकर्षक गन्तव्य बनाउने गरी सरकारले प्रयास गरिरहेको बताए ।

कर्णाली पर्यटनमात्र होइन, संस्कृति र सभ्यताको पनि धनी प्रदेश भएकाले यसको मौलिक सभ्यता, इतिहास र पर्यटनको बिकास नै कर्णालीको पहिचान भएको बताए ।

‘कर्णालीका पर्यटकीय गन्तव्यहरुको पहिचान गर्दै प्रदेश सरकार अगाडि बढीरहेको छ’ उनले भने, ‘अब सबैको सहकार्यबाट यसको प्रचार प्रसार भई पर्यटन बिकासमा टेवा पुर्याउने छ ।’

आइतबारसम्म सञ्चालन हुने महोत्सवमा छिमेकी देश भारत, लुम्बिनी र सुदूरपश्चिम प्रदेशका पर्यटन सरोकारवालाहरुको सहभागिता रहेको छ ।

कर्णाली प्रदेशको पर्यटन प्रवद्र्धन र दीर्घकालीन सम्भावनाबारे छलफल तथा प्रवद्र्धनात्मक गतिविधि गरिने आयोजकले जनाएको छ ।

महोत्सवमा भारतको उत्तर प्रदेश, उत्तराखण्ड र दिल्लीबाट पर्यटन व्यवसायी, लगानीकर्ता, ट्राभल भ्लगर तथा पर्यटन क्षेत्रका सरोकारवालाको सहभागिता रहेको कर्णाली पर्यटन महोत्सवका संयोजक तर्कबहादुर शाहीले बताए ।

‘महोत्सवमा लुम्बिनी र सुदूरपश्चिम प्रदेशका पर्यटन व्यवसायी तथा पर्यटनसँग सम्बन्धित संस्थाका प्रतिनिधि सहभागी छन्,’ उनले भने, ‘नेपाल पर्यटन बोर्ड र वीरेन्द्रनगर नगरपालिकाको संयुक्त आयोजना, दैलेखको दुल्लू नगरपालिका र गुराँस गाउँपालिकाको सहआयोजनामा महोत्सव आयोजना गरिएको हो ।’

महोत्सवमार्फत कर्णालीका प्राकृतिक, धार्मिक, सांस्कृतिक तथा साहसिक पर्यटन क्षेत्रको सम्भावनालाई राष्ट्रिय तथा अन्तर्राष्ट्रियस्तरमा प्रवद्र्धन गर्ने लक्ष्य राखिएको संयोजक शाहीले बताए । पर्यटन महोत्सवले कर्णाली प्रदेशका बिभिन्न पर्यटकीय क्षेत्रको विकासमा टेवा पुग्ने कर्णाली प्रदेश सरकारका उद्योग, पर्यटन, वन तथा वातावरण मन्त्री सुरेश अधिकारीले बताए । उनले देश तथा विदेशबाट पनि पर्यटन व्यवसायी सहभागिता रहेको कर्णाली धार्मिक तथा पर्यटकीय क्षेत्र बिषयमा जानकारी मिल्ने बताए ।

थप समाचारहरु

जुम्ला कारागारबाट ३६ कैदी फरार, खोजी कार्य जारी जुम्लामा कफ्र्यू आदेश जारी जेन–जी आन्दोलनमा कर्णाली प्रदेशसभामा करोडौको क्षती नेपाली कांग्रेस रुकुम पश्चिमको १४ बुँदे प्रतिज्ञा पत्र सार्वजनिक कर्णालीको हवाई सास्ती : करोडौँका विमानस्थल घाँसे मैदान, राजधानीसँगै छैन सिधा सम्पर्क कर्णाली प्रदेशसभा सचिव खड्काद्धारा पदभार ग्रहण