दर्ताविहीन स्वास्थ्य संस्थामा सेवा नदिन चिकित्सकलाई कडा चेतावनी

काठमाडौं । नेपाल मेडिकल काउन्सिलले दर्ताविहीन स्वास्थ्य संस्थामा सेवा नदिन चिकित्सकहरूलाई कडा चेतावनी दिएको छ ।
काउन्सिलले हालै सार्वजनिक गरेको सूचनामा प्रचलित कानुनअनुसार वैधानिक रूपमा दर्ता भएका स्वास्थ्य संस्था तथा क्लिनिकमा मात्र आबद्ध भएर सेवा दिन निर्देशन गरिएको हो ।
काउन्सिलका अनुसार चिकित्सकहरूले कुनै पनि संस्थामा कार्य सुरु गर्नु अघि सो संस्थाको दर्ता अवस्था, वैधानिकता, उपलब्ध सेवा र सेवा दिने क्षमताबारे स्पष्ट जानकारी लिनुपर्नेछ। साथै, आफ्नो शैक्षिक योग्यता, दर्ता स्थिति र आफूले प्रदान गर्ने सेवाबीच उचित सामञ्जस्य कायम गर्न पनि आग्रह गरिएको छ ।
सूचनामा दर्ताविहीन संस्थामा काम गर्नु वा त्यस्ता संस्थासँग आवद्ध हुनु पेशागत आचारसंहिता विपरीत हुने स्पष्ट पारिएको छ ।
यस्तो गतिविधिमा संलग्न चिकित्सकहरूलाई काउन्सिल ऐन तथा नियमावलीअनुसार अनुशासनात्मक कारबाही गरिने चेतावनी समेत दिइएको छ ।

थप समाचारहरु

खानेपानी, जलस्रोत तथा सिँचाइ क्षेत्रमा दिगो र वैज्ञानिक प्रणाली अपनाउनु वर्तमान समयको आवश्यकता ः मन्त्री यादव एमाले सचिवालय बैठक शनिबार बस्ने आज राष्ट्रिय भूकम्प सुरक्षा दिवस बालेन सरकारले साम्राज्यवादीको एजेण्टको रुपमा काम गरिरहेको छ : महासचिव बास्तोला संघीय संसदको मर्यादा विपरित रास्वपा सांसदहरू : शिक्षकलाई झपार्नेदेखि एसपीलाई ‘घिसार्ने’ सम्मको चेतावनी अविरल वर्षापछि बिपी राजमार्ग पूर्ण बन्द