जनकपुर । प्रतिनिधिसभा अन्तर्गतको निर्वाचनमा धनुषा जिल्लाबाट जम्मा मतदाता ५ लाख १४ हजार ५ सय ७१ जना रहेका छन् ।
जनकपुरधाममा शुक्रबार मुख्य निर्वाचन अधिकृतको कार्यालय स्थापना कार्यक्रममा सञ्चारकर्मीहरुसंग कुराकानी गर्दै धनुषा क्षेत्र नं.३ का निर्वाचन अधिकृत शुभाष राउत पुरीले धनुषा जिल्लाभरिका निर्वाचन क्षेत्रहरु बारे जानकारी गराएका छन् । उनका अनुसार प्रतिनिधिसभा निर्वाचनका लागि धनुषा जिल्लामा ४ वटा निर्वाचन क्षेत्र रहेको छ ।
क्षेत्र नं.१ को निर्वाचन कार्यालय धनुषाधाममा रहेको छ भने निर्वाचन अधिकृत मनोज बराल रहेका छन् । यस क्षेत्रमा कुल १ लाख २६ हजार ४० जना मतदाता रहेका छन् भने मतदानस्थल ८५ वटा रहेको छ र मतदान केन्द्र १ सय ६३ वटा रहेको छ ।
क्षेत्र नं.२ को निर्वाचन कार्यालय विदेह नगरपालिकाको तीनकोरीयामा रहेको छ भने निर्वाचन अधिकृतमा दामोदर रेग्मि रहेका छन् । यस क्षेत्रमा कुल मतदाता १ लाख ३४ हजार ८ सय २६ जना रहेका छन् भने मतदानस्थल ८८ वटा रहेको छ र मतदान केन्द्र १७४ वटा रहेको छ ।
क्षेत्र नं. ३ को निर्वाचन कार्यालय जनकपुरधाममा रहेको छ भने निर्वाचन अधिकृतमा शुभाष राउत पुरी रहेका छन् । यस क्षेत्रमा कुल मतदाता १ लाख २५ हजार ९ सय २७ रहेका छन् भने मतदानस्थल ७४ वटा रहेको छ भने मतदान केन्द्र १५५ वटा रहेको छ ।
त्यस्तै क्षेत्र नं.४ को निर्वाचन कार्यालय महेन्द्रनगरमा रहेको छ भने निर्वाचन अधिकृतमा पुरुषोत्म खतिवडा रहेका छन् । यस क्षेत्रमा कुल मतदाता १ लाख २७ हजार ७ सय ७८ जना रहेका छन् भने मतदानस्थल ७५ वटा रहेको छ भने मतदान केन्द्र १५३ वटा रहेको छ ।
अस्थायी मतदाताहरुको नाम संकलन कार्य जारी नै रहेको धनुषा क्षेत्र नं. ३ का निर्वाचन अधिकृत पुरीले जानकारी दिए । उनका अनुसार धनुषाभरिमा जम्मा निर्वाचन स्थल ३ सय २२ वटा रहेको छ भने जम्मा मतदान केन्द्र ६ सय ४५ वटा रहेको छ ।
धनुषाको चारवटै निर्वाचन क्षेत्रमा जम्मा ३ हजार ८ सय ७० जना कर्मचारी खटाईने अधिकृत पुरीले जानकारी दिए ।
थप समाचारहरु
‘धनुषा र महोत्तरीमा मल अभाव छैन’
हरिवन र हरिहरपुरगढीबीच सडक स्तरोन्नति गर्ने सम्झौता
मिथिलाञ्चलमा तिला सङ्क्रान्तिको रौनक
महायज्ञ गर्ने भन्दै एक दलित परिवारको घर भत्काउने घटनाका दोषीलाई कारबाही गर्न माग
बंगलादेशमा हिन्दुमाथि भएको हत्याको विरोधमा प्रदर्शन, पूर्व–पश्चिम राजमार्ग अवरुद्ध
पाँच महिनामा वीरगञ्ज नाका हुँदै तीन खर्ब ५९ अर्बका सामान भित्रियो
