जनकपुर । मधेश प्रदेशमा आजदेखि राष्ट्रिय भिटामिन ‘ए’ कार्यक्रम २०८२ सुरु भएको छ ।
जनकपुरधाममा बिहीबार (आज) आयोजित भिटामिन ‘ए’ खुवाउने कार्यक्रममा मधेश प्रदेश सरकार स्वास्थ्य तथा जनसंख्या मन्त्रालय अन्तर्गतको स्वास्थ्य निर्देशनालय सपही, धनुषाका निर्देशक सरोज चन्द्र न्यौपानेले आज र भोली क्यापुसल खुवाउने कार्यक्रमको सुरुवात गरेका छन् ।
उनले उपस्थित बालबालिकालाई भिटामिन ‘ए’ को क्यापसुल खुवाएर दुई दिने कार्यक्रम सुरु भएको घोषणा गरे । सो क्रममा निर्देशक न्यौपानेले मधेश प्रदेशभरका ४,७९,७२२ बालबालिकालाई भिटामिन ’ए’ को क्यापुल खुवाउने लक्ष्य रहेको जानकारी दिए ।
कार्यक्रममा जिल्ला स्वास्थ्य कार्यालय धनुषाका प्रमुख उमेश यादवले भिटामिन ’ए’ खुवाउने कार्यक्रम २०५० सालदेखि भएको जानकारी दिए । उनले यो कार्यक्रम वर्षमा दुई पटक सञ्चालन हुँदै आएको बताए ।
बालबालिकाले खाने खानामा सम्पूर्ण भिटामिन नहुने गरेकाले भिटामिन ’ए’ को क्यापसुल खुवाउने गरेको उनको भनाई थियो । यो क्यापसुल ६ महिना देखि ५ वर्ष सम्मको बालबालिकालाई खुवाउनु पर्ने प्रमुख यादले जानकारी दिए ।
