एमाले केन्द्रीय सदस्य महरको सरकारी वकिलमा बयान हुँदै, अदालत लैजाने तयारी

काठमाडौं । गाली बेइज्जती तथा चरीत्र हत्या गरेको आरोपमा पक्राउ परेका सत्तारुढ नेकपा (एमाले) का केन्द्रीय सदस्य ऐन महरको अहिले जिल्ला सरकारी वकिलको कार्यालय काठमाडौँमा बयान भइरहेको छ ।

साइबर ब्युरोबाट पक्राउ पुर्जी जारी भएपछि उनी ब्युरोमा आफै उपस्थित भएका थिए । त्यसपछि ब्युरोले आवश्यक कारबाही अगाडि बढाएको छ ।

ब्युरोका अनुसार अहिले महरलाई सरकारी वकिलको कार्यालयमा लगिएको छ । यसपछि अदालत लैजाने तयारी छ ।

गाली बेइज्जती तथा चरीत्र हत्या गरेको भन्दै एक महिलाले उनीविरुद्ध हुलाकमार्फत साइबर व्युरोमा जाहेरी दिएकी थिइन् । उक्त जाहेरीपछि महरविरुद्ध सोमबार पक्राउ पुर्जी जारी भएको थियो ।

बझाङ घर भएका महर अनेरास्ववियुको विद्यार्थी राजनीति गर्दै पार्टीको केन्द्रीय सदस्य बनेका हुन् ।

महर प्रतिनिधिसभाको चुनावमा एकीकृत समाजवादीका नेता भानुभक्त जोशीसँग पराजित भएका थिए । पछिल्लो समय महर विवादित बनेका छन् ।

थप समाचारहरु

परराष्ट्रमन्त्री एनपी साउद अमेरिका प्रस्थान टिकटक प्रतिबन्ध सम्बन्धी रिटमा सर्वोच्चमा आज सुनुवाइ नहुने कोप २८ मा नेपालले याचना होइन, सशक्त दाबी गर्नेछ : प्रधानमन्त्री प्रचण्ड सर्वोच्चले माग्यो टीकापुर घटनाका ३ दोषीलाई रिहा गर्नुको कारण अध्यक्ष तिमिल्सिनासहित सातै प्रदेशका सभामुख–उपसभामुख अस्ट्रेलिया भ्रमणमा पूर्वगृहमन्त्री खाँणको निवेदन न्यायाधीश कोइरालाको इजलासमा