सुबोध स्मृति पत्रकारिता पुरस्कार पत्रकार शाहलाई

वीरगञ्ज पर्सा, १ भदौः स्वर्गीय सुबोध स्मृति पत्रकारिता पुरस्कारबाट वीरगञ्जका पत्रकार क्रान्ति शाह सम्मानित भएका छन ।

प्रतीक प्रकाशन समूहले वीरगञ्जका फोटो पत्रकार स्वर्गीय सुबोध सिंहको स्मृतिमा स्थापना गरिएको पुरस्कारबाट अन्नपूर्ण पोष्ट दैनिकमा कार्यरत पत्रकार शाह सम्मानित भएका हुन् ।

यहाँको प्रतीक दैनिक पत्रिकाको ३९औँ वार्षिकोत्सव समारोहमा वीरगञ्ज महानगरका प्रमुख राजेशमान सिंहले पत्रकार शाहलाई प्रमाणपत्रसहित नगद रु ५१ हजार राशिको पुरस्कार वितरण गरेका हुन् ।

साथै प्रतीक प्रकाशन समूहको वार्षिकोत्सवका अवसरमा उत्कृष्ट संवाददाताका रुपमा प्रमोद यादवलाई नगद रु १५ हजारसहित सम्मान गरिएको छ । उत्कृष्ट स्तम्भकारका रुपमा नेपाल पत्रकार महासङ्घ पर्साका अध्यक्ष समेत रहेका ओमप्रकाश खनाललाई नगद रु १० हजार र प्रमाणपत्रले सम्मानित गरिएको छ ।

त्यस्तै स्व चीरञ्जीवी कोइराला स्मृति पत्रकारिता पुरस्कारबाट युवा पत्रकार सूर्यनारायण विकलाई नगद रु १५ हजारसहित सम्मानित गरिएको छ ।

सोही अवसरमा प्रतीक दैनिकका कर्मचारी श्यामजीप्रसाद गुप्तालाई नगद रु पाँच हजारसहित सम्मानपत्रले सम्मानित गरियो । त्यस्तै स्तम्भकर अनन्तलाल दासलाई पनि दोसल्ला ओढाएर सम्मान गरिएको छ ।

वीरगञ्ज महानगर प्रमुख सिंहले मर्यादित पत्रकारको विकासका लागि हातेमालो गरेर अघि बढ्न जरुरी रहेको बताए । पर्साका प्रमुख जिल्ला अधिकारी गणेश अर्यालले पत्रकारिता क्षेत्र समाजको ऐनाका रुपमा रहनुपर्ने बताए ।

प्रतीक दैनिकका प्रधान सम्पादक जगदीश शर्माले पत्रकारितालाई व्यावसायिक ढङ्गले अघि बढाउनुपर्ने बताए । वीरगञ्ज उद्योग वाणिज्य सङ्घका अध्यक्ष हरि गौतमले पत्रकारिता क्षेत्रले औद्योगिक क्षेत्रलाई प्रवद्र्धन र संरक्षण गर्नुपर्ने बताए ।

थप समाचारहरु

मानवअधिकार आयोगले भन्यो : सप्तरी घटनाको छानबिन गरी दोषीलाई कारबाही गर बारामा शिक्षक हत्यामा संलग्नको आशंकामा एक जना पक्राउ कमला नदीमा अनौठो भूत मेला, स्नान गर्ने श्रद्धालुहरुको घुइँचो सिमरा विमानस्थलमा रिफ्युलिङ सेन्टर सरकार ढाल्ने खेलमा लाग्दैनौं, ०८४ मा बहुमत ल्याउँछौं : केपी ओली केपी ओलीलाई रौतहटमा १०१ किलोको माला