झापामा हात्तीको आक्रमणबाट भुटानी शरणार्थीको मृत्यु

६ मंसिर, झापा । जङ्गली हात्तीको आक्रमणबाट दमकको बेलडाँगीस्थित भुटानी शरणार्थी शिविरमा बस्दै आएका ७२ वर्षीय पदमलाल तामाङको मृत्यु भएको छ ।

डिभिजन वन कार्यालय झापाका प्रमुख मेघराज राईका अनुसार मङ्गलबार साँझ शिविर बाहिरको हम्सेदुम्से सामुदायिक वनको जङ्गलमा तामाङलाई हात्तीले आक्रमण गरेको थियो ।

शिविरको सेक्टर नं २ को हट नं दुई सय ५२ मा तामाङको बसोबास थियो । उनी दिउँसो दाउरा खोज्न जङ्गल गएका थिए ।

साँझसम्म घर नफर्किएपछि खोजी गर्ने क्रममा उनलाई जङ्गलमै मृत भेटाएको डिभिजन वन कार्यालयका प्रमुख राईले बताए ।

यसैगरी मेचीनगर नगरपालिका–११ स्थित विशाल दाहालको एकतले पक्की घर जङ्गली हात्तीले भत्काएको छ ।

स्थानीय बाँसबारी सामुदायिक वनबाट गाउँ छिरेको एउटा हात्तीले पर्खाल भत्काएर घरभित्र पसी चार सय किलो धान र दुई सय किलो चामल खाएको पीडित दाहालले जानकारी दिए ।

थप समाचारहरु

झापामा भैँसीसित मोटरसाइकल ठोक्किँदा युवकको मृत्यु झापामा छठको पूजा गर्न तीन सय घाट निर्माण हात्तीको आक्रमणबाट पाँच महिनामा झापामा छको मृत्यु मानव–हात्ती द्वन्द्व घटाउन झापाका विभिन्न स्थानमा सौर्य तारबार झापाको सहकारी संस्थामा चोरी गरेको आरोपमा ६ जना पक्राउ झापामा ६५ वर्षमाथिका सबै पत्रकारलाई औषधोपचार खर्च