काठमाडौ । नेपाली कांग्रेसका सभापति गगन थापाले केन्द्रीय कार्य समितिमा थपिएका १९ केन्द्रीय सदस्यहरुप्रति केही युवा नेताहरुले आपत्ति जनाएका छन् ।
लामो समयदेखि पार्टीमा अवसर नपाएका युवा नेताहरु, पूर्वपदाधिकारी र केन्द्रीय सदस्यहरूले निर्णयको विरोध गरेका हुन् ।
नेपाल विद्यार्थी संघ एवम तरुण दलमा समेत लामो समय काम गरेर कांग्रेसको सक्रिय राजनीतिमा रहेका युवा नेता लावस राईले बदलिएको भनिएको पार्टीले परम्परागत निर्णय गरको आरोप लगाए ।
‘पूरानै टेस्टेट नेताहरुलाई अवसर प्रदान गर्दा कांग्रेस कसरी बदलिन्छ । पटक पटक अवसर पाएका र टेस्ट भइसकेका नेताहरुबाट पार्टी रुपान्तरण हुन्छ भन्नेमा विश्वस्त हुन सकिदैन । पार्टी परम्परागत तथा क्लासिकल शैलीले चल्दैन,’ नेता राईले भने ।
०६२–०६३ को आन्दोलनमा झन्डा बोकेका युवाहरुको काँधमा टेकेर अवसर पाएका नेताहरुले पार्टीभित्रको यथास्थितिलाई भत्काउन नसक्ने राईको दाबी छ ।
‘यथास्थितिमा रमाउने नेताहरुबाट कांग्रेस रुपान्तरण वा बदलिन सक्दैन । गुट–उपगुटमा रमाएर अवसर खोज्नेहरुले यथास्थितिलाई भत्काउन सक्दैनन् । कांग्रेसभित्र अब उर्जा र नयाँ विचार बोकेका जुझारु व्यक्तिहरुले अवसर पाउनुपर्छ,’ उनले भने ।
सभापति थापाले सोमबार मात्र १९ केन्द्रीय सदस्य थप गरेका हुन् । पर्याप्त परामर्श र छलफल विना नै नयाँ सदस्यहरु थप गर्दा कांग्रेसभित्र फेरि आन्तरिक मतभेद बढेको देखिएको हो ।
सभापति गगन थापाले हालै केन्द्रीय समितिमा कोइराला र देउवासमुहका १९ जनालाई सदस्यहरू मनोनयन गरेका थिए ।
थप समाचारहरु
खानेपानी, जलस्रोत तथा सिँचाइ क्षेत्रमा दिगो र वैज्ञानिक प्रणाली अपनाउनु वर्तमान समयको आवश्यकता ः मन्त्री यादव
एमाले सचिवालय बैठक शनिबार बस्ने
आज राष्ट्रिय भूकम्प सुरक्षा दिवस
बालेन सरकारले साम्राज्यवादीको एजेण्टको रुपमा काम गरिरहेको छ : महासचिव बास्तोला
संघीय संसदको मर्यादा विपरित रास्वपा सांसदहरू : शिक्षकलाई झपार्नेदेखि एसपीलाई ‘घिसार्ने’ सम्मको चेतावनी
अविरल वर्षापछि बिपी राजमार्ग पूर्ण बन्द
