रौतहट । सडक डिभिजन कार्यालय हेटौँडाले महेन्द्र राजमार्ग र त्रिभुवन राजपथअन्तर्गत पर्ने सडक सीमाभित्र निर्माण गरिएका अवैध घर तथा टहराहरू हटाउन अन्तिम चेतावनी दिएको छ ।
कार्यालयले सोमबार एक अत्यन्त जरुरी सूचना प्रकाशित गर्दै वैशाख १० गतेभित्र ती संरचनाहरू हटाउन सम्बन्धित सबैलाई सूचित गरेको छ ।
यसअघि पनि २०७३/०९/१८ र २०८०/०३/०९ लगायतका विभिन्न मितिहरूमा सूचना जारी गर्दा समेत संरचनाहरू नहटाएपछि डिभिजनले पुनः यो ताकेता गरेको हो । विशेष गरी बाराको पथलैयादेखि चुरिया माई मन्दिरसम्मको क्षेत्रमा सडकको केन्द्र रेखाबाट दायाँबायाँ २५/२५ मिटरभित्र पर्ने संरचनाहरू अझै हटाइएको छैन ।
यद्यपि तोकिएको समयभित्र अटेर गरी संरचना नहटाएमा सार्वजनिक सडक ऐन, २०३१ र प्रचलित नेपाल कानुन बमोजिम संरचना हटाइने र सोको खर्च समेत सम्बन्धित व्यक्तिबाटै असुल गरिने कार्यालयले जनाएको छ ।
डिभिजन प्रमुख गुरुप्रसाद अधिकारीका अनुसार, सडक विस्तार र सुरक्षाका लागि यी संरचनाहरू हटाउनु अनिवार्य छ । प्रशासनले सूचनालाई बेवास्ता गर्नेलाई कडा कानुनी कारबाही गरिने समेत स्पष्ट पारेको छ ।
थप समाचारहरु
‘बेरोजगारी समस्या, विदेसिनु बाध्यता’
जात्रामय भएको छ भक्तपुर, नौदिने बिस्काको महिमा के छ ?
मानव बेचबिखन विधेयकमा मानव बेचबिखनको परिभाषा स्पष्ट हुने गरी लेख्नुपर्ने
इजरायलविरुद्ध विशेष कदम चाल्ने जर्मनीको चेतावनी
भगवती न्यौपाने संघीय मामिला तथा सामान्य प्रशासन मन्त्रीमा नियुक्त
राष्ट्रिय सभामा दाहालको प्रश्न जेनजी आन्दोलन परिवर्तन थियो कि वितण्डा मात्र ?
