मकवानपुर । बागमती प्रदेशसभाको चालु अधिवेशनअन्तर्गत आज बिहान ११ बजे बैठक बस्ने भएको छ । प्रदेशसभा सचिव रामकुमार पौडेलका अनुसार बैठकमा गत २५ र २६ चैतमा प्रस्तुत विभिन्न विधेयकहरूको सैद्धान्तिक तथा दफाबार छलफल गर्ने कार्यसूची तय गरिएको छ ।
उनका अनुसार सदनमा उठेका विषयहरूलाई सम्बन्धित समितिमा पठाई विस्तृत अध्ययन तथा दफाबार छलफल गरिनेछ ।
“समितिबाट प्राप्त सुझावका आधारमा विधेयकहरूलाई परिमार्जन गरी प्रतिवेदन तयार पारिनेछ,” उनले बताए ।
यद्यपि, सत्तारुढ दलहरू नेपाली कांग्रेस र नेपाल कम्युनिष्ट पार्टी (एमाले) बिच सहमति नजुट्दा यस अधिवेशनमा सभामुख चयन प्रक्रिया अघि बढ्ने सम्भावना न्यून देखिएको छ ।
कांग्रेस निकट एक सांसदका अनुसार हाल “एक दिन मात्र बैठक सञ्चालन गरी हिउँदे अधिवेशन अन्त्य गर्ने र त्यसपछि बजेट अधिवेशन बोलाएर सभामुख चयन गर्ने” विकल्पबारे आन्तरिक छलफल भइरहेको छ ।
सत्ता हस्तान्तरण गर्ने वा यथावत् राख्ने भन्ने विषयमा कांग्रेस र एमालेबिच विवाद कायम रहेकाले सभामुख चयन मात्र होइन, मन्त्रालयको संख्या घटाउने जस्ता महत्त्वपूर्ण एजेन्डाहरू समेत ओझेलमा परेको देखिन्छ ।
थप समाचारहरु
बागमती प्रदेशसभाको बैठक पुस तेस्रो साता बोलाउने तयारीमा सरकार
भगवती न्यौपाने संघीय मामिला तथा सामान्य प्रशासन मन्त्रीमा नियुक्त
एनसीसी अमेरिकाको सहमति कार्यान्वयन गराउन आरसी पराजुलीले गरे अपिल
राष्ट्रिय सभामा दाहालको प्रश्न जेनजी आन्दोलन परिवर्तन थियो कि वितण्डा मात्र ?
यस्ता छन् मन्त्रिपरिषद् बैठकका निर्णयहरु
चुनावी अभियानमा रास्वपाका नेता बालेन शाह तेह्रथुममा
