काठमाडौं । मधेस प्रदेशका मुख्यमन्त्री कृष्ण प्रसाद यादवले बालेन्द्र शाह (बालेन) लाई भाषणमा भनेका कुरा पूरा गर्न आग्रह गरेका छन् ।
शनिबार जनकपुरधामस्थित प्रदेश प्रहरी कार्यालयमा आयोजित भवन शिलान्यास कार्यक्रममा धारणा राख्दै मुख्यमन्त्री यादवले प्रदेश सरकारले पाउन बाँकी रहेको अधिकार बालेन नेतृत्वको सरकारले पूरा गर्नेमा आशावादी रहेको बताए ।
उनले प्रदेश सरकारको मातहतमा हालसम्म आफ्नो प्रहरी नभएको गुनासो सुनाए । उनले जनकपुरधाममा बालेनले काठमाडौं घुम्न मात्र आउनु अधिकार माग्न नआउनु भनेको स्मरण गराउँदै प्रदेशलाई आवश्यक रहेको अधिकार अब दिनुपर्नेमा जोड दिए ।
मुख्यमन्त्री यादवले हालै सम्पन्न निर्वाचनमा प्रहरी प्रशासनले खेलेको भूमिकाको प्रशंसा गर्दै सुरक्षित र शान्तिपूर्ण रूपमा निर्वाचन सम्पन्न गराउन प्रहरीले खेलेको भूमिकाप्रति बधाई ज्ञापन गरेका छन् ।
जनकपुरधामस्थित प्रदेश प्रहरी कार्यालय परिसरमा मधेस प्रदेश सरकारको बजेटबाट प्रहरीका लागि ब्यारेक र मेष निर्माण हुन लागेको हो । प्रदेश सरकारले ब्यारेक र मेष निर्माणका निम्ति जम्मा ११ करोड ४ लाख ५३ हजार ७१२ रुपैयाँ पाँच पैसा बजेट प्रदेश प्रहरी कार्यालयलाई दिएको छ ।
उक्त ब्यारेक र मेष निर्माण कार्य १८ महिना भित्र सम्पन्न गर्ने सहमति भएको छ ।
थप समाचारहरु
मधेश प्रदेशका नवनियुक्त मुख्यमन्त्री सोनलले लिए पद तथा गोपनीयताको सपथ
मुख्यमन्त्री यादवले २४ घण्टाभित्र विश्वासको मत लिनु पर्ने
मधेश प्रदेशको नयाँ सत्ता समीकरणले मुलुकमै नयाँ राजनीतिक समीकरण हुनसक्छ : प्रचण्ड
सरकारले चुनाव गराउन सक्छ भन्ने निश्चित देखिदैन : नेता कार्की
सर्लाही– ४ : गगनबाट टीका लगाएर कांग्रेस प्रवेश गरेका वडाध्यक्ष गुप्ता जसपामै फर्किए
संघीयता भनेको अधिकार र अवसरको न्यायोचित वितरण हो : प्रदेश प्रमुख सुरेन्द्र लाभ
