रौतहट। मानवसेवा आश्रमले गत भाद्र ८ गते रौतहटको चन्द्रपुर नगरपालिका–७ स्थितबनबहुअरीमा आफ्नो २० औँ शाखा सञ्चालन गर्दै सहयोगापेक्षी बुवाहरूलाई गृह प्रवेश गराई औपचारिक रूपमा सेवा सुरु गरेको हो।
पछिल्लो समय रौतहटका स्थानीय दाताहरू र समाजसेवकहरूले आश्रममा रहनुभएका आश्रितहरूको सेवा व्यवस्थापनमा सहजता प्रदान गर्ने उद्देश्यले निरन्तर सहयोग गरिरहेका छन्। यसै क्रममा चन्द्रपुर नगरपालिका–४ निवासी कुमारी माता र कुमार बम्जनले शाखाका आश्रित बुवाहरूका लागि जाडो मौसममा उपयोगी सिरक र सिरानी हस्तान्तरण गर्नुभएको छ।
शाखाले हालसम्म ६६ जनाको उद्धार र २३ जनाको पारिवारिक पुनर्मिलन कार्य सम्पन्न गरिसकेको छ। चन्द्रपुर नगरपालिका–७ बनबहुअरीमा हाल ३५ जना बुवाहरू आश्रममा रहँदै आएका छन्।
मानवसेवा आश्रम विगत १३ वर्षदेखि खुला सडकपेटी र सार्वजनिक स्थलमा कष्टपूर्ण जीवन यापन गर्न विवश, सहयोगापेक्षी, बेसहारा, अशक्त, अभिभावकविहीन तथा शारीरिक तथा मानसिक रूपमा कमजोर व्यक्तिहरूको उद्धार, उपचार, पालनपोषण, संरक्षण र पारिवारिक पुनर्मिलन गर्दै आएको छ।
आश्रमले २०८२ भित्रै देशभर उद्धार अभियान सञ्चालन गर्दै सहयोगापेक्षी सडकआश्रित मानव मुक्त राष्ट्र नेपाल घोषणा गर्ने लक्ष्य राखेको छ।
थप समाचारहरु
मिथिला परिक्रमाका यात्रीहरूले खेले होली (तस्बिरहरू)
नगर प्रमुख विरुद्धमा नाराबाजी सहित टायर बालेर प्रदर्शन
महोत्तरीमा यात्रुवाहक बस दुर्घटना, एक दर्जन बढी घाइते
जापानका राजदूतद्वारा गहवामाईको दर्शन
वातावरणीय असन्तुलन सबैका लागि चिन्ताको विषय : मुख्यमन्त्री सिंह
मधेश प्रदेश : सरकार गठन गर्न सात दलले आज दाबी पेश गर्दै
