सर्लाही । सर्वोच्च अदालतले प्रदेश सरकारलाई दीर्घकालीन तथा नीतिगत स्वरूपका निर्णय नगर्न स्पष्ट आदेश दिएपनि निवर्तमान मुख्यमन्त्री सरोज कुमार यादवले सर्लाहीको सदरमुकाम मलंगवास्थित प्रादेशिक अस्पताल व्यवस्थापन समितिमा गरिएको नयाँ मनोनयन असंवैधानिक भएको भन्दै टायर बालेर विरोध प्रदर्शन गरिएको छ ।
मलंगवा नगर संरक्षण तथा सुधार समितिले बुधबार बिहान प्रादेशिक अस्पताल नजिकैको बालमन्दिर चौकमा टायर बालेर बिरोध प्रदर्शन गरेको हो । प्रदर्शन बालमन्दिर चौकबाट टायर बाल्दै सुरु भएको थियो ।
त्यसपछि प्रदर्शनकारीहरूको समूहले अस्पतालको प्रशासनिक भवन अगाडि पुगेर नाराबाजी गर्दै विवादित मनोनयन तत्काल खारेज गर्न माग गरेको थियो । समितिले सरकारको कदमले सर्वोच्च अदालतको आदेशको प्रत्यक्ष उल्लंघन गरेको आरोप लगाएको छ ।
समितिका पदाधिकारी चन्दन सिंह राजपुतका अनुसार ‘अदालतले निर्णय नदिन भनेको अवस्थामा यस्तो मनोनयन गर्नु पूर्ण रूपमा गैरसंवैधानिक हो । नियुक्त व्यक्तिहरूले पदभार ग्रहण गर्नु हुँदैन, र हामीले नगराउन चाहन्छौँ,’ भन्दै उनले मनोनयन नहटाए आन्दोलनलाई थप कडा बनाउने चेतावनी दिए ।
निबर्तमान मुख्यमन्त्रि यादवले विश्वासको मत नपाउने निश्चित भएपछि बुधबार दिउँसो राजीनामा दिएका थिए । निवर्तमान मुख्यमन्त्री यादवले राजीनामा दिनुभन्दा अघिल्लो दिन प्रादेशिक अस्पताल मलंगवाको व्यवस्थापन समितिको मनोनयन गरेको बताइएको छ ।
थप समाचारहरु
छात्रालाई अनुचित सन्देश पठाएपछि शिक्षक साह बर्खास्त
सुरक्षाको दृष्टिकोणलाई मध्येनजर गर्दै ट्रेन बन्द
मधेश प्रदेशका नवनियुक्त मुख्यमन्त्री सोनलले लिए पद तथा गोपनीयताको सपथ
२२ गते विश्वासको मत लिने मधेश प्रदेशका मुख्यमन्त्री जितेन्द्र सोनलको तयारी
जनकपुरमा राष्ट्रिय झण्डासहित सात राजनीतिक दलको प्रदर्शन
मुख्यमन्त्री यादवले २४ घण्टाभित्र विश्वासको मत लिनु पर्ने
