सर्लाही । मङ्गलबार बिहानदेखि परेको अविरल बेमौसमी वर्षाले सर्लाहीका किसानको मुख्य बाली धानमा ठूलो क्षति पु¥याएको छ । तिहार लगत्तै भित्र्याउने तयारीमा रहेका किसानहरू अहिले फलेको धान खेतमै नष्ट भएपछी चिन्तित बनेका छन् ।
कोडैनाका किसानहरूको अनुसार खेतमा काटेर सुकाउन राखिएको धान पानीमा डुबेको छ भने अझै नकाटिएका बालीमा पनि बाला झर्ने समस्या देखिएको छ। ‘धान काटेर घरमा ल्याउने तयारीमा थियौँ, तर वर्षाले सबै भिजायो,’ एक किसानले दुखेसो पोख्दै भने, ‘धान भित्र्याउने तयारी भइरहँदा पानी परेर क्षति भयो।’
जिल्लाका विभिन्न ठाउँ अहिले जलमग्न छन् । लगातारको वर्षाले खेतबारीमा पानी थामिन नसकेपछि धान भित्र्याउने काम रोकिएको किसानहरू बताउँछन् । कृषि ज्ञान केन्द्र सर्लाहीका प्रमुख कमलदेव प्रसाद कुश्वाहाका अनुसार बेमौसमी वर्षाले विशेषगरी काटेर सुकाउन राखिएको धानमा बढी क्षति पु¥याएको छ ।
उनका अनुसार खेतमै डुबानमा परेका बाली पुनः उपयोग गर्न कठिन हुने भएकाले किसानलाई ठूलो नोक्सानी बेहोर्नुपर्ने स्थिति छ।
थप समाचारहरु
अयोध्यामा श्रीराम तिलकोत्सव माता सीताको अभिभावकको भूमिकामा मधेशका मुख्यमन्त्री सहभागी
मधेश प्रदेशसभाको चौथो अधिवेशन सुरु
अवकास लिएका शिक्षकको नामबाट डेढ लाख रुपैंयाँ निकासा लिएको खुलासा
धनुषाको भठिहनमा प्रहरीको गोली लागेर एक जना घाइते
गृहमन्त्री लेखकद्धारा हैजा संक्रमण उपचाररत विरामीको स्वास्थ्य अवस्थाबारे जानकारी
मिथिलाञ्चलमा आज राधाष्टमी उत्सव मनाइँदै
