News and Updates
१८ जेठ, काठमाडौं । थारू भसा साहित्य केन्द्र नेपालमा भुलाई चौधरीको नेतृत्वमा ११ जनाको नयाँ कार्यसमिति चयन भएको छ । थारू भसा साहित्य केन्द्र नेपालको दोस्रो अधिवेशनले नयाँ कार्यसमित चयन गरेको हो ।
संस्थाको वरिष्ठ उपाध्यक्षमा बुद्धसेन चौधरी, महासचिवमा सियाराम चौधरी र सचिवमा सहदेव चौधरी चयन भएका छन् भने कोषाध्यक्षमा राकेश सिंह थारू चयन भएका छन् ।
यस्तै सदस्यहरूमा रामस्वागत चौधरी, कल्पना चौधरी, इन्दु सिंह थारू, आशिष चौधरी, उदय नारायण चौधरी र सुमन कुमारी चौधरी चयन भएका छन् ।
अधिवशेनले थारू भाषा र साहित्यमा योगदान दिने तीन जना व्यक्तित्वहरूलाई सम्मान गरिएको थियो ।
सम्मानित हुनेहरूमा साहित्यकार तथा पत्रकार डा. कृष्णराज सर्वहारी, हास्यकलाकार तथा समाजसेवी एवं लेखक शत्रुधन चौधरी र कवियित्री तथा साहित्य अनुरागी संतोषी चौधरी लगायत रहेका छन् ।
अधिवेशनको प्रमुख अतिथि युवा तथा खेलकुदमन्त्री तेजुलाल चौधरीले थारू युवाहरू अब साहित्य र सृजनामा पनि जाग्नुपर्ने बताए ।
कार्यक्रममा विभिन्न संघसंस्थाहरूको प्रतिनिधि एवं बौद्धिक व्यक्तित्वहरूको बाक्लो उपस्तिथि रहेको थियो।
फेसबुकबाट तपाईको प्रतिक्रिया