रौतहट । जनज्योती बहुमुखी क्याम्पस चन्द्रनिगाहपुरमा स्वतन्त्र विद्यार्थी युनियन (स्ववियु) को मतदान शान्तिपूर्ण रुपमा सकिएको छ । त्रिभुवन विश्वविद्यालयका आंगिक र सम्बन्धन प्राप्त क्याम्पसमा स्ववियुको नेतृत्व चयनका लागि मंगलवार बिहानबाट मतदान सुरु भएको थियो ।
स्वतन्त्र बिद्यार्थी युनियनको निर्वाचन कार्यतालिका अनुसार मंगलवार विहान ८ बजे देखि दिउँसो ४ बजेसम्म मतदान भएको निर्वाचन समितका संयोजक बिनोद तिमल्सिनाले बताए ।
उनका अनुसार २ हजार ९५४ मतदाता रहेको यस क्याम्पसम एक हजार ६८७ मत खसेको छ। लामो समय पछी भएको स्ववियु चुनावमा मतदान गर्न बिद्यार्थीहरुको सक्रिय र उत्साहजनक सहभागिता रहेको उनको भनाइ छ ।
मतदानको समय सकिएकाले अब मतगणनाको तयारी थालिएको निर्वाचन समितका संयोजक तिमल्सिनाले बताए ।
उनका अनुसार मतगणनाको लागी अबको केहि समयमा सर्वपक्षिय भेला बस्ने र अचारसंहिता बनाइने छ । सम्भावत बेलुका सम्ममा नतिजा प्रकाशन गर्नेगरि तयारी थालिएको उनको भनाइ छ ।
ईलाका प्रहरी कार्यलय चन्द्रनिगाहपुरले जनज्योती बहुमुखी क्याम्पसमा शान्तिपूर्ण रुपमा मतदान सम्पन्न भएको जनाएको छ । यद्यपि मतदान शान्त बाताबरणमा सकिएको र मतगणनामा पनि प्रहरी परिचालन गरिने ईलाका प्रहरी कार्यलय चन्द्रनिगाहपुरले जनाएको छ ।
जनज्योती बहुमुखी क्याम्पसमा स्ववियु निर्वाचनका लागि नेपाल बिद्यार्थी संघ, अखिल क्रान्तिकारी, अखिल नेपाल राष्ट्रिय स्वतन्त्र बिधार्थी युनियन र संयुक्त समाजबादी विद्यार्थी युनियन नेपाल गरि चार संगठनले प्यानलसहित उमेदवारी दर्ता गराएको थियो । जनज्योती बहुमुखी क्याम्पसको स्ववियु चुनावमा ३४ जना उम्मेदवारहरु मैदानमा छन् ।
थप समाचारहरु
‘धनुषा र महोत्तरीमा मल अभाव छैन’
अयोध्यामा श्रीराम तिलकोत्सव माता सीताको अभिभावकको भूमिकामा मधेशका मुख्यमन्त्री सहभागी
रौतहटको एक घरमा सुरुङ बनाएर चोरी
प्रहरी र कर्मचारीबिना सरकार हुन सक्दैन : विमलेन्द्र निधि
माओवादी चुनाव लड्नै सक्दैन भन्ने विरोधीहरुको भाष्य खारेज भयो : प्रचण्ड
१ सय ६ बोरा गहुँ र २८ बोरा चामलको कनिका बरामद
