जनकपुर । जनकपुरधाम उपमहानगरपालिकाले संस्थागत विद्यालयहरूमाथि कडाई गर्न सुरु गरेको छ । उपमहानगरपालिकाले एक सुचना जारी गर्दै संस्थागत विद्यालयहरुलाई पाठ्यपुस्तक, स्टेशनरी र पोशाक बिक्री नगर्न तथा विद्यार्थीहरूलाई तोकिएको स्थानबाट पोशाक खरिद गर्न बाध्य नगर्न निर्देशन दिएको छ ।
शिक्षा तथा खेलकुद विकास शाखाका प्रमुख धीरेन्द्रलाल कर्णद्वारा जारी परिपत्रमा विद्यालयहरूलाई राष्ट्रिय पाठ्यक्रम परिषदर पाठ्यपुस्तक विकास केन्द्रद्वारा प्रमाणित पाठ्यपुस्तक मात्र प्रयोग गर्न निर्देशन दिनुका साथै आगामी शैक्षिक सत्र २०८२ का लागि लागू हुने पाठ्यपुस्तकहरूको नामावली सात दिनभित्र बुझाउन आदेश दिएको छ ।
नेपाल पुस्तक तथा स्टेशनरी व्यवसायी महासंघ धनुषाले गरेको गुनासोको आधारमा केही विद्यालयहरूले विद्यार्थी र अभिभावकहरूलाई पाठ्यपुस्तक, स्टेशनरी र पोशाक विद्यालयबाटै खरिद गर्न बाध्य पारेकाले यस प्रकारको गतिविधी गरेको पाइए सो विद्यालयलाई कानुन बमोजिम कारवाही गरिने उमहानगरपालिकाले चेतावनी समेत दिएको छ ।
थप समाचारहरु
अयोध्यामा श्रीराम तिलकोत्सव माता सीताको अभिभावकको भूमिकामा मधेशका मुख्यमन्त्री सहभागी
मधेश प्रदेशसभाको चौथो अधिवेशन सुरु
मोतियाविन्दुका बिरामीको निः शुल्क उपचार गर्दै सगरमाथा आँखा अस्पताल
धनुषा र महोत्तरीमा होली : आठ सवारी दुर्घटना, नौं घाइते, एकमाथि चक्कु प्रहार
मधेश कृषि विश्वविद्यालयका भीसी महतोलाई नहटाउन अन्तरिम आदेश जारी
फोहोरलाई जथाभावी विसर्जन गर्दा वनस्पति र बन्यजन्तुलाई असर
