महोत्तरी, १ चैत । मटिहानी–६ मा पाँच शै्याको प्रसूतिगृह निर्माण गरिएको छ । ग्रामीण बस्ती मटिहानीमा प्रसूतिगृह निर्माणले यहाँ सहज स्वास्थ्य सेवा उपलब्ध हुने भरोसा जागेको छ ।
सुत्केरी गराउन टाढाका अस्पताल जानुपर्ने तथा आर्थिक अभावले अब उपचारबाट वञ्चित हुनु नपर्ने मटिहानीका नगरप्रमुख हरिप्रसाद मण्डलले बताए ।
राष्ट्रिय योजना आयोगको विशेष अनुदान कार्यक्रम र मटिहानी नगरपालिकाको आर्थिक स्रोतबाट करिब रु दुई करोडको लागतमा प्रसूतिगृह निर्माण गरिएको हो ।
“आव प्रसूतिलेल बेसी दौडधूप नइ कर परत, अइस प्रसूति बेरके दिकत घटत से विश्वास जागल अइ अब सुत्केरी गराउन कहाँ लैजाने भन्ने दौडधुप गर्नु पर्दैन, यसले सुत्केरी गराउने बेलाको अप्ठ्यारो हट्ने विश्वास छ” मटिहानी–५ की सुनकेसी चौधरी भन्छन्।
प्रसूतिगृह निर्माणसम्पन्न भएसँगै अब चाँडै सेवा सञ्चालनको प्रबन्ध मिलाइने नगरप्रमुख मण्डलको भनाइ छ ।
प्रसूतिगृहबाट नगरपालिकाका नौवटै वडा, बस्ती, छिमेकका अन्य बस्ती तथा सूतिगृहबाट नजिकै रहेको भारतीय बस्तीका गरिबले सेवा लिन पाउने उपप्रमुख मञ्जुदेवी साहले बताए । यसअघि जलेश्वर अस्पताल र जनकपुरका अस्पताल धाउनुपर्ने अवस्था थियो ।
थप समाचारहरु
मोतियाविन्दुका बिरामीको निः शुल्क उपचार गर्दै सगरमाथा आँखा अस्पताल
निजी अस्पताल अनुगमनमा मुख्यमन्त्री सिंह, गरुडाका १० अस्पताल बन्द गर्न निर्देशन
व्यवस्थापनमा सुधार गरिएसँगै जनकपुर अस्पतालमा दैनिक १२ सय बिरामीको उपचार
बन्द गराएको अस्पतालमा विरामी जाचँ गर्ने सञ्चालक पक्राउ
एउटै वडामा भेटिए क्षयरोगका २५ सङ्क्रमित
मधेश प्रदेशमा औंलोका आयातित बिरामीले गर्दा निवारणमा चुनौती
