रौतहट । रौतहटको चन्द्रनिगाहपुरमा रहेको चन्द्रपुर एकेडेमीमा अध्यनरत बिद्यार्थीहरुको स्वास्थ्य परीक्षण गरिएको छ ।
बिद्यार्थीहरुमा रहेको स्वास्थ्य समस्य थाहा पाउने र सामान्य भएमा उपचार गर्ने उद्देश्यले स्वास्थ्य परीक्षण गरिएको हो । स्वास्थ्य समस्यका कारण विद्यालयमा विद्यार्थीहरुको अनुपस्थित हुने, अभिभावक र विद्यालय प्रशासनलाई समेत थाहा हुने भएकाले स्वास्थ्य परीक्षण गरिएको चन्द्रपुर एकेडमीले जनाएको छ ।
विद्यालयको कक्षा युकेजीदेखि नौं कक्षासम्मका सबैजनाको स्वास्थ्य परीक्षण गरिएको थियो । विद्यालयका शिक्षक÷शिक्षिका,अन्य कर्मचारी चालक सहचालकको समेत स्वास्थ्य जाँच गरिएको चन्द्रपुर एकेडमीले जानकारी दिएको छ ।
एकेडेमीको प्राङ्गणमा चन्द्रपुर अस्पताल प्रालि तथा इसेवाको संयुक्त सहयोगमा भएको परीक्षणमा डा.सुवास चौधरी, डा.श्यामबाबु साह, डा.अखिल साह, स्टाप नर्सहरु पारो चौधरी, दिपसना धिताल, चन्द्रपुर अस्पतालका प्राबिधिक प्रमोद यादव, चन्द्रपुर अस्पतालका प्रबन्ध निर्देशक सरोज चौधरी तथा इसेवाका भुवन आचार्यको उपस्थिति रहेको थियो ।
स्वास्थ्य परीक्षणपछि आवश्यकता अनुसार निशुल्क औषधि समेत दिइएकोमा चन्द्रपुर अस्पताल प्रालीले जनाएको छ । कार्यक्रममा चन्द्रपुर नपा–६ का वडा अध्यक्ष सहदेब केसीको समेत उपस्थिति रहेको थियो ।
थप समाचारहरु
मोतियाविन्दुका बिरामीको निः शुल्क उपचार गर्दै सगरमाथा आँखा अस्पताल
अवैध रुपमा संचालनमा रहेको औषधी पसलमा तलाबन्दी
गर्भवतीका लागि निःशुल्क एम्बुलेन्स सेवा
व्यवस्थापनमा सुधार गरिएसँगै जनकपुर अस्पतालमा दैनिक १२ सय बिरामीको उपचार
बन्द गराएको अस्पतालमा विरामी जाचँ गर्ने सञ्चालक पक्राउ
एउटै वडामा भेटिए क्षयरोगका २५ सङ्क्रमित
