१३ माघ, रौतहट । रौतहटका अधिकांश पालिकाले चिसोबाट बच्नका लागि न्यानो कपडा र दाउरा वितरण गरिरहेको छ ।
केहि दिनदेखि बाक्लो हुस्सु तथा शीतलहरका कारण यहाँको जनजिवन प्रभाबित भएको बेला पालिकाले विपन्न परिवारलाई न्यानो बनाउन सहयोग गर्दै आएको हो।
चिसोबाट पालिकावासीलाई जोगाउन न्यानो सिरक र दाउरा वितरण गरिरहेको गरुडा नगरपालिकाका नगर प्रमुख कन्थमनी प्रसाद जयसवालले बताए ।
चिसोबाट बढी बालबालिका , वृद्धवृद्धा , सुत्केरी र रोगि प्रभाबित हुने भएकाले गाउँगाउँमा पुगेर सिरक र दाउरा वितरण कार्य गरिरहेको उनले जानकारी दिए ।
उनका अनुसार अहिलेसम्म पालिकाभित्रका सबै वडामा गरी १५ सय भन्दा बढी न्यानो कपडा वितरण गरिसकेको छ ।
यो अभियान अझैं बाँकी रहेकाले विपन्न परिवारको पहिचान गरि सिरक वितरण गर्दै लैजाने नगर प्रमुख जयसवालले बताए । यसअघि चिसोबाट बच्नका लागि गरुडा र शिबनगर चोकमा दाउरा वितरण गरिएको उनले उल्लेख गरेका छन् ।
गरुडा नगरपालिकाको हालसम्म वडा नं ८ जिङ्गडिया, वडा नं ९ रघुनाथपुर, वडा नं ७ भिमडावर, र वडा नं ४ गरुडाका चिसो प्रभावित क्षेत्रहरूमा आगो ताप्नका लागि दाउरा पठाईएको उनको भनाइ छ ।
चिसोबाट बच्नका लागि यहाँको चन्द्रपुर , गौर, र यमुनामाइ लगायतका पालिकाले दाउरा वितरण कार्य गर्दै आएका छन् । रौतहट सहित तराई मधेशमा केहि दिनदेखि चलेको हुस्सुका र शीतलहरका कारण अत्यधिक चिसो बढेर जनजीवन प्रभावित बनेको छ ।
थप समाचारहरु
आयोजनाको प्रथामिकताका आधारमा ऋण लिनुपर्ने
माघे संक्रान्ति पर्वमा दुई दिन सार्वजनिक विदा
नेपाल परिवार दलका पर्सा अध्यक्षसहितका नेताहरु जसपामा प्रवेश
केपी ओलीलाई रौतहटमा १०१ किलोको माला
धनुषाधाम वडा नम्बर १ मा ४८ प्रतिशत मतदान सम्पन्न
मुख्यमन्त्री सिंहको नेतृत्वमा वीरगञ्जका अस्पतालहरूको पनि अनुगमन सुरु
