ठगीको अभियोगमा महिला पक्राउ

२८ साउन, काठमाडौँ । वैदेशिक रोजगारमा पोर्चुगल पठाइदिने भन्दै रु पाँच लाख ३५ हजार ठगी गरेको आरोपमा प्रहरीले एक महिलालाई पक्राउ गरी आज सार्वजनिक गरेको छ ।

पक्राउ पर्नेमा सुदूरपश्चिम प्रदेशको कैलालीस्थित गोदावरी नगरपालिका–२ घर भई हाल काठमाडौँ महानगरपालिका–३१ बानेश्वर बस्ने २७ वर्षीया दीपा चन्द रहेको काठमाडौँ उपत्यका अपराध अनुसन्धान कार्यालय टेकुका सूचना अधिकारी एवं प्रहरी उपरीक्षक काजीकुमार आचार्यले जानकारी दिए। उनले भने, “बेरोजगार युवायुवतीलाई आकर्षक तलबको प्रलोभनमा पारी पोर्चुगल पठाउने भनी पीडितबाट रु पाँच लाख ३५ हजार रकम लिएपश्चात् विदेश नपठाई निज सम्पर्कविहीन भएको भन्ने पीडितले दिएको जाहेरी दरखास्तअनुसार निजलाई पक्राउ गरिएको हो ।”

भक्तपुरको ठिमीबाट पक्राउ परेकी निज चन्दलाई थप अनुसन्धान तथा कारबाहीका लागि वैदेशिक रोजगार विभाग ताहाचल काठमाडौँ पठाइएको सूचना अधिकारी आचार्यले बताए ।

थप समाचारहरु

जसपालाई समेटेर मन्त्रिपरिषद् विस्तार गर्दै प्रचण्ड पेरिस ओलम्पिक : प्रिन्स समूह चरणको सबै खेलमा पराजित आजको मौसमः केही प्रदेशको पहाडी भूभागका वर्षाको सम्भावना संविधान संशोधन सबैदलको सहमतिमा हुन्छ : गृहमन्त्री लेखक आजको मौसम :  हिमाली क्षेत्रमा आंंशिक बदली रहने सम्भावना आजको मौसमःयी स्थानमा हिमपात र वर्षाको सम्भावना