२४ साउन, काठमाडौं । पुरातत्त्व विभागका महानिर्देशक, सौभाग्य प्रधानाङ्गले पुरानो ऐनलाई टेकेर नयाँ कार्यविधिहरु बनाएर अघि बढिरहेको अवस्था रहेको बताएकी छन् ।
बिहीबार सार्वजनिक नीति तथा प्रत्यायोजित विधायन समितिमा भएको छलफलमा उनले विश्व सम्पदा र अन्य सबै विषयलाई समेटेर ऐन कानूनलाई संशोधनको लागि २०७४ सालमा नै पेश गरेपनि अझै संशोधन हुन नसकेको भन्दै पुरानै कानून अनुसार काम गरिरहेको बताइन् ।
उनले भनिन्, ‘विश्व सम्पदाका कुराहरु र अन्य सबै विषयलाई समेटेर ऐन कानूनलाई संशोधनको प्रक्रियामा लान खोजेका थियौ । संशोधनको लागि २०७४ सालमा नै पेश पनि भइसकेको छ । तर विभिन्न ठाँउमा, विभिन्न कारणले रोकिंदा रोकिदैँ अहिलेसम्म पनि त्यो संशोधन हुन सकेको छैन् । पुरानो ऐनलाई टेकेर नयाँ नयाँ कार्यविधिहरु बनाएर अघि बढिरहेको अवस्था छ । ऐन संशोधन भएन भनेर हामीले काम नै रोक्ने कुरा हुदैँन् ।’
यसका साथै भूकम्पले प्रभाव पारेका संरचनाहरुको काम पनि विभिन्न कार्यविधिहरु बनाएर अघि बढाइएको पनि उनको भनाई छ । उनले जनशक्ति, स्रोत र साधनको कमिको कारणले गर्नपर्ने कामहरु पनि गर्न नसकेको बताइन् ।
बैठकमा पुरातात्त्विक महत्त्वका सम्पदाहरुको अवस्था सम्बन्धमा र ग्यालरी बैठकभित्र रहेका पुरातात्त्विक वस्तुहरुको संरक्षण सम्बन्धमा छलफल भएको थियो ।
थप समाचारहरु
जसपालाई समेटेर मन्त्रिपरिषद् विस्तार गर्दै प्रचण्ड
पेरिस ओलम्पिक : प्रिन्स समूह चरणको सबै खेलमा पराजित
आजको मौसमः केही प्रदेशको पहाडी भूभागका वर्षाको सम्भावना
संविधान संशोधन सबैदलको सहमतिमा हुन्छ : गृहमन्त्री लेखक
आजको मौसम : हिमाली क्षेत्रमा आंंशिक बदली रहने सम्भावना
आजको मौसमःयी स्थानमा हिमपात र वर्षाको सम्भावना
