सस्तोमा विद्युत वितरण गर्ने दायित्वबाट पछि हट्न सकिदैन् : मन्त्री खड्का

काठमाडौं । ऊर्जा, जलस्रोत तथा सिंचाइमन्त्री दिपक खड्काले डेडिकेटेड तथा टं«कलाइन छिटै जोड्नुपर्ने निर्णयमा सरकार पुगेको बताएका छन् ।
विहीबारसार्वजनिक लेखा समितिमा भएको बैठकमा उनले २४ घण्टा सस्तोमा विद्युत दिने सरकारको दायित्वबाट विमुख हुन नसक्ने भन्दै यस्तो दायित्व पूरा गर्नको लागि टं«कलाइन छिटै जोड्नुपर्ने बताए ।
उनले भने, ‘राज्यको दायित्व के हो भने सकेसम्म २४ घण्टा सस्तोमा विद्युत दिने भन्ने हो । यो दायित्वबाट सरकार विमुख हुन सक्दैन् । असारको समयमा पानी पर्ने मौसममा व्यवसायीहरुको बैंकको ऋण होला, उत्पादन नहुँदा जनतामाथि आर्थिक भार पर्ने अवस्थामा डेडिकेटेड तथा टं«कलाइन छिटै जोड्नुपर्छ भन्ने निर्णयमा सरकार पुगेका छ।’
यस्तै, प्राधिकरणले उद्योगहरुको लाइन काटेको सन्दर्भमा यस्तो कार्यले बजार माग र मूल्य बढाउने र सामान्य जनताले यसको कारण समस्या भोग्नुपर्ने बताए ।
उनले भने, ‘उद्योगहरुको लाइन काटेर बस्दा प्रत्येक घण्टाले असर गर्छ । एकातिर पैसा उठाउनुपर्ने दायित्व छ । यसको आर्थिक हिसाबले समस्या छदैछ र उत्पादनका हिसाबले जुन उद्योग धन्दाहरुले उत्पादन गर्नुपर्ने हो त्यो ठप्प हुँदा बजारमा माग बढ्ने भयो । बजार मूल्य बढ्ने भयो । त्यो बजार माग र मूल्य सामान्य जनताले भोग्नुपर्ने नै भयो ।’
प्रधानमन्त्रीले दिएको निर्देशन विद्युत प्राधिकरणले नमानेको भन्दै प्राधिकरण नीजि कम्पनी जस्तो देखिएको पनि उनको भनाई छ ।
यस्तै, समितिका सभापति ऋषिकेश पोखरेलले विषय गम्भीर र पेचिलो भएको भन्दै हतार र मेहेनत गरेर यो विषयमा छिटै नै निष्कर्ष दिनआवश्यक रहेको बताए ।

थप समाचारहरु

जसपालाई समेटेर मन्त्रिपरिषद् विस्तार गर्दै प्रचण्ड संविधान संशोधन सबैदलको सहमतिमा हुन्छ : गृहमन्त्री लेखक अध्यक्ष लिङदेनको चेतावनी : आन्दोलनमा दमनको सहारा लिएमा बढारिनुपर्ने छ गृहमन्त्री लेखक र भाजपा नेता कोश्यारीबिच भेटवार्ता रास्वपा र रवि लामिछानेलाई अन्याय नहोस् भनेर अहिलेपनि लागिरहेको छु : अध्यक्ष प्रचण्ड एमालेको सचिवालय बैठक बस्दै