२८ वैशाख, काठमाडौं । सुनसहित त्रिभुवन अन्तराष्ट्रिय विमानस्थलबाट एक युवा पक्राउ परेका छन् ।
सुनसरीको धरान उपमहानरपालिका–५ घर भएका ३७ वर्षीय विजयकुमार लिम्बुलाई प्रहरीले पक्राउ गरेको हो ।
लिम्बुलाई काठमाडौं उपत्यका अपराध अनुसन्धान कार्यालयको टोलीले तिलगंगाबाट ५० ग्राम अवैध सुनसहित पक्राउ गरेको हो ।
उनले बिहीबार कतारबाट अवैध रुपमा ५० ग्राम सुन ल्याएको भन्ने सूचनाका आधारमा खटिएको टोलीले पक्राउ गरेको अपराध अनुसन्धान कार्यालयका एसपी रवीन्द्र रेग्मीले बताए ।
ब्रासलेट र औठी आकारमा ल्याएको ५० ग्राम बराबरको सुन उनीबाट बरामद भएको छ । पक्राउ परेका लिम्बुलाई कारबाहीका लागि विमानस्थल भन्सार कार्यालयमा बुझाइएको छ ।
थप समाचारहरु
विमानस्थलबाट यसरी बरामद भएको थियो १४ किलो सुन(भिडियोसहित)
त्रिभुवन विमानस्थलबाट फेरि साढे ६ किलो सुन बरामद
साढे ६ किलो सुन प्रकरणका आरोपीसँग सोधपुछ गर्न भाषाको समस्या
त्रिभुवन विमानस्थलबाट कपडामा लेपन गरिएको सुन बरामद
प्रहरीबाट विमानस्थलमै कुटिए अध्यागमन अधिकृत
सुन जाँचबुझ आयोगले क्यासिनो वाल्डोका सञ्चालकसँग लियाे बयान
