५ चैत, काठमाडौं । माओवादी उपाध्यक्ष एवम् पूर्वसभामुख कृष्ण बहादुर महरालाई प्रहरीले भैरहवाबाट पक्राउ गरेर काठमाडौं ल्याएको छ ।
उनलाई यति एअरलाइन्सको विमानबाट काठमाडौं ल्याइएको प्रहरीको केन्द्रीय प्रवक्ता एवं प्रहरी नायव महानिरीक्षक भीमप्रसाद ढकालले जानकारी दिए । उनलाई सोमबार बिहान कपिलवस्तुबाट पक्राउ गरिएको थियो ।
सुन तस्करी सम्बन्धी छानबिन गर्न गठित उच्चस्तरीय जाँचबुझ आयोगले महरालाई मुद्दा चलाउन सिफारिस गरेको थियो । सोही अनुसार कारबाही गर्न गृह मन्त्रालयले प्रहरीलाई निर्देशन दिएको थियो ।
यसअघि महरासँग आयोगले बयान समेत लिएको थियो । उनका छोरा राहुल महरा विद्युतीय चुरोट (भेप) मार्फत भएको सुन तस्करी प्रकरणमा पुर्पक्षका लागि थुनामा छन् ।
थप समाचारहरु
माओवादी उपाध्यक्ष कृष्णबहादुर महरा कपिलवस्तुबाट पक्राउ
हत्या आरोपमा श्रीमान–श्रीमतीसहित ४ जना पक्राउ
नवलपरासी पश्चिममा सुन व्यवसायी विश्वकर्मामाथि गोली प्रहार
सुन तस्करीमा मुछिएका कलेज सञ्चालक गुरुङ पक्राउ
कृष्णबहादुर महरासँग आज पनि बयान लिइँदै
उपप्राध्यापक प्रेम चलाउनेलाई आक्रमण गर्ने एक जना पक्राउ
