११ असोज, काठमाडौं । अमेरिकी आइटी सफ्टवेयर कम्पनी माइक्रोसफ्टले आफ्नो आर्टिफिसियल इन्टेलिजन्स तथा डेटा सेन्टरका लागि आवश्यक पर्ने उर्जा आपूर्तिका लागि नयाँ पुस्ताको आणविक भट्टीको प्रयोग गर्ने भएको छ ।
माइक्रोसफ्टले सुचीकृत गरेका नयाँ रोजगारीहरुको विवरणले त्यस्तो संकेत गरेको हो । नयाँ रोजगारीको विवरण अन्तर्गत एकजना यस्ता उम्मेदवार पनि भर्ना गरिँदैछ जसले कम्पनीको आणविक उर्जा रणनीतिको नेतृत्व सम्हाल्नेछन् । उक्त पदमा नियुक्त व्यक्तिले आणविक विषयका सबै पहलुहरुमा काम गर्नुपर्नेछ जसमा आणविक उर्जा संरचना पनि पर्नेछ ।
माइक्रोसफ्टले विशेष रुपमा यस्तो जनशक्तिको खोजी गरिरहेको छ जसले सानो आकारको मोडुुलर रिएक्टरको योजना सुरुवात गर्न सक्दछ । रिपोर्ट अनुसार सानो आकारका मोड्युलर रिएक्टर तयार गरेर सञ्चालन गर्नु सस्तो पर्दछ ।
जलवायु परिवर्तन नियन्त्रणका लागि माइक्रोसफ्टले चाल्न लागेका विभिन्न कदमहरु मध्ये यो पनि एक हो । यसका लागि कम्पनीले स्वच्छ उर्जाका श्रोतहरुको खोजी गरिरहेको छ ।
स्मरण रहोस् माइक्रोसफ्टका सेन्टरले ठूलो परिमाणमा विद्युत उर्जा खपत गर्दछन् । यसले कम्पनीको जलवायु लक्ष्य हासिल गर्ने मार्गमा रोकावट पैदा गर्न सक्ने ठहर गर्दै आणविक उर्जाको प्रयोग गर्ने योजना उसले बनाएको हो ।
एआईले खाइरहेको छ मनग्य बिजुली
आर्टिफिसियल इन्टेलिजेन्स माइक्रोसफ्ट कम्पनीको महत्वकांक्षी परियोजना मात्र होइन विश्वभरकै चर्चाको विषय पनि हो । यो परियोजनामा निकै धेरै मात्रामा बिजुली आवश्यक पर्दछ, जसका लागि कम्पनीले नेक्स्ट जेनेरेसन आणविक रिएक्टरबाट बिजुली लिने योजना बनाइरहेको छ ।
के पूर्ण रुपमा प्रकृतिमैत्री हुन्छ आणविक उर्जा ?
परमाणु उर्जाले हरितगृह ग्यास उत्सर्जन गर्दैन । तथापि विकिरणयुक्त फोहोर व्यवस्थापन गर्ने तथा युरेनियमको आपूर्ति श्रृंखला तयार गर्ने कुरा आउँदा त्यसले एक नयाँ समस्या पैदा गर्दछ ।
यद्यपि जलवायु परिवर्तन नियन्त्रणमा परमाणु उर्जाको भूमिकाका विषयमा अझैपनि बहस जारी छ । माइक्रोसफ्टका संस्थापक बिल गेट्स लामो समयदेखि यो प्रविधिका ठूला प्रशंसकको रुपमा रहँदै आएका छन् । एजेन्सीको सहयोगमा
थप समाचारहरु
च्याट जिपिटी प्रमुख भन्छन् : एआईमाथि नियन्त्रणको कुराले रातभर सुत्न सक्दिन
जलवायु परिवर्तनका कारण प्राकृतिक प्रकोपको समस्या पेचिलो बन्यो : गृहमन्त्री लेखक
दिउँसो देशका धेरै ठाउँमा पानी पर्ने सम्भावना
यस्तो छ, आजको लागि तरकारी तथा फलफूलको मूल्य
वर्ष २०८१ का अकल्पनीय विपद्ः जलवायुजन्य सङ्कट गहिरिँदै
आजको मौसम : वर्षा र हिमपातको सम्भावना
