१५ साउन, जनकपुरधाम। मधेश प्रदेशका मुख्यमन्त्री सरोज कुमार यादवले छैटौं पटक मन्त्रिपरिषद पुनर्गठन गरेको छ ।
मधेश प्रदेशका एक जना मन्त्री र एक जना राज्यमन्त्रीले राजीनामा दिएपछि मुख्यमन्त्रीले सोमबार छैटौं पटक मन्त्रिपरिषद पुनर्गठन गरेका हुन् ।
प्रदेशको गृह सञ्चार तथा कानुन मन्त्रालयको जिम्मेवारी कांग्रेसका मोहमद समिमले पाएका छन् भने श्रम तथा यातायात मन्त्रालयको जिम्मेवारी जनमत पार्टीका चन्दन सिंहले सम्हाल्ने भएका छन् ।
सोमबार नवनियुक्त मन्त्रीलाई प्रदेश प्रमुख हरिशंकर मिश्रले पद तथा गोपनीयताको शपथ गराएका छन् ।
मन्त्रालय खोसेर बिना विभागीय मन्त्री बनाइएका जनमतका वसन्त कुशवाहा र राज्यमन्त्री संजयकुमार यादवले आजै पार्टीको निर्देशनमा राजीनामा दिएका थिए।
कुशवाहाले सम्हालेको भूमि व्यवस्था कृषि तथा सहाकारी मन्त्रालय जेठ ९ मा मुख्यमन्त्री सरोजकुमार यादवले खोसेर एकीकृत समाजवादीका गोविन्द न्यौपानेलाई नियुक्त गरेका थिए । त्यसयता दुवै जना विना विभागीय मन्त्री थिए ।
योसँगै मन्त्रिपरिषदले पूर्णता पाएको छ भने जसपाबाट विना विभागीय मन्त्री रहेकी सुरिता साह यथावत् छन् ।
हेर्नुहोस् प्रदेश प्रमुखबाट जारी विज्ञप्ति :
थप समाचारहरु
प्रभु साहलाई कारवाही गर्न माग गर्दै रौतहटमा सत्तारुढ गठबन्धनको प्रदर्शन
रास्वपाको बैठक जलेस्वरमा सुरु, यस्तो छ ३ दिनको कार्यतालिका
लोसपाका सांसद अभिराम शर्मा निलम्बित
मुख्यमन्त्री सिँहले गरे बर्दिवासका आठ अस्पताल अनुगमन, पाँचलाई बन्द गर्न निर्देशन
रासस अध्यक्ष झाद्वारा रेल्वे स्टेसनको निरीक्षण
जनमत पार्टीको संसदीय दलको निष्कष : योजना खरिद बिक्री आरोप निराधार
