४ बैशाख २०८१, मंगलवार
राजनीति समाचार

केन्द्रीय समितिमा मीन विश्वकर्मा भन्छन्ः ‘परिवारको सदस्य पक्राउ पर्दा गृहमन्त्रीकहाँ डेलिगेशन जाने?’

५ साउन, काठमाडौं । नेपाली कांग्रेसका प्रचार विभाग प्रमुख मीन विश्वकर्मा पूर्व गृहमन्त्री बालकृष्ण खाँणको बचाउमा केन्द्रीय समितिमा धारणा राखेका छन् ।

केन्द्रीय समितिको शुक्रबारको बैठकमा बोल्ने क्रममा विश्वकर्माले गृहमन्त्री नारायणकाजी श्रेष्ठकहाँ पार्टीका नेताहरु धन्यवाद दिन दिएको प्रति आपत्ति जनाए । ‘कांग्रेस एउटा घर हो । यो परिवारको सदस्यलाई लान्छना लाग्यो । अनि छिटो पक्र भनेर डेलिगेशन जाने? त्यति आदर्शवादी भयौं हामी? त्यसो भए त हाम्रो पक्षबाट वकिल पनि राख्न भएन,’ विश्वकर्माले भने ।

पार्टीले नै दोषी र निर्दोष करार गर्ने भए अदालत किन चाहियो भनि उनले प्रश्न उठाए । पार्टी बैठकले फैसला गर्ने हो भने वकिल किन राख्नुप¥यो भनि उनले जिज्ञासा पार्टीमा राखे । ‘पक्ष विपक्षमा छलफल कांग्रेसले गर्ने हो भने अदालत किन चाहियो? यही कार्यसमितिले गर्छ, भने वकिल पनि राख्न भएन नि,’ विश्वकर्माले भने,‘वकिलले वकालत गर्न नि भएन । अदालतले दोषी हो होइन भनि प्रमाणित नगर्दासम्म सर्वोच्च अदालत हो, दोषी अहिले नै ठहर गर्ने?’

अरु पार्टीले आफ्ना सदस्य जोगाउन बचाउन लागिरहँदा आफ्ना नेताहरु गृहमन्त्रीकहाँ डेलिगेशनमा गएको विश्वकर्माले बताए ।

कांग्रेस अप्ठ्यारोमा भन्दा पनि कांग्रेस अलमलमा रहेको उनले बुझाई थियो । ‘२०७४ मा गठबन्धन गर्न हुन्न भन्यौं । २०७९ मा ग¥यौं । हामी यहाँ नेर अलमलमा छौं कि,’ विश्वकर्माले भने,‘प्रचण्डलाई प्रधानमन्त्री ३२ लाई किन दिने भन्यौं । अहिले फर्काएर सरकार ल्यायौं । अहिले पनि ठीक छैन भन्छौं ।’

२००६ साल देखिका प्रतिस्पर्धीसँग पनि कांग्रेसलाई खतरा नभएको र उनीहरुलाई पटक पटक जित्दै आएको विश्वकर्माले बैठकमा सुनाए । अहिले उम्रेका पार्टीबाट कांग्रेसलाई खतरा नभएको विश्वकर्माको तर्क छ । खतरा पार्टी भित्रकै अन्तर कलह कारण रहेको उनले औंल्याए ।

Visited 1 times, 1 visit(s) today

प्रतिक्रिया दिनुहोस्