काठमाडौं । कृषि तथा पशुपन्छीमन्त्री रामनाथ अधिकारीले उत्पादित वस्तुहरुमा हुने विषादी प्रयोगलाई न्यूनिकरण गर्नुपर्ने बताएका छन् । जैविक कृषि जागरण यात्रा २०८२ मा बोल्दै उनले धेरै विषादी प्रयोगले भविष्य राम्रो नहुने बताएका हुन् ।
उनले भने, ‘हामी धेरै विषादी प्रयोग गर्छौं । यो विषादी प्रयोगलाई न्यूनिकरण गर्नुपर्छ । विस्तारै विस्तारै उत्पादन कम होला तर यो न्यूनिकरण गर्न जरुरी छ । हामीले यसलाई न्यूनिकरण गर्न सकेनौं भने भविष्य राम्रो छैन ।’
साथै, उनले प्राङगारीक मल तयार गुर्नपर्ने बताए । उनले विषादी नभएको मलका लागि केही न केही पैसा छुट्याउनु पर्ने र त्यसमा अगाडि जानुपर्छ भनेर मन्त्रालयमा दैनिक छलफल चलेको समेत बताए ।
उनले भने, ‘रसायनिक मलका सम्बन्धमा थुप्रै कुराहरु आएका छन् । हामीले प्राङगारीक मल तयार गरिसकेका छैनौं । त्यसको तयारीमा लागौं । तर त्यसले उत्पादन कती दिन्छ ? हामीले प्राङगारीक मल पनि राख्न सक्छौं । त्यसमा थोरै थोरै युरिया पनि छर्न सक्छौं । प्राङगारीक मललाई बढावा दिने, रसायनिक मललाई विस्तारै घटाउने । हामीले यो पटक प्राङगारीक मलका लागि, विषादी नभएको मलका लागि केही न केही पैसा छुट्याउनैपर्छ र त्यसमा अगाडि जानुपर्छ भनेर मन्त्रालयमा दैनिक छलफल चलेको छ ।’
यसैगरी, उपसभामुख इन्दिरा राना मगरले निर्यात गर्न नसके पनि आयातलाई घटाउनुपर्ने बताएकी छन् । उनले खाद्य वस्तु नेपालमा आयात हुन कम भएपछि मात्र देश समृद्धितिर लम्किँदै जाने बताइन् ।
उनले भनिन्, ‘हामीले निर्यात गर्न नसके पनि आयातलाई घटाउन सक्नुपर्छ । सबै अहिले खाद्ययान आयात नै छ । आयात जहिले हुन छोड्छ तब देश समृद्धितिर लम्किँदै जाने छ ।’
थप समाचारहरु
बालकुमारी घटना हुनुमा भौतिकमन्त्री जिम्मेवार हो : केपी ओली
सराङकोटको विकासमा सघाउने प्रधानमन्त्रीको प्रतिबद्धता
व्यवस्थासँगै अवस्थामा पनि परिवर्तन भइरहेको उपप्रधानमन्त्री सिंहको दावी
अन्तर्राष्ट्रिय सम्बन्ध र पर्यटन समितिको बैठक आज बस्दै
माओवादी केन्द्रीय समितिको छैठौं बैठक : दोस्रो दिन ८० जनाले राखे धारणा
‘पूर्वविशिष्टहरु पदमा हुँदा पनि लुट्ने, रिटायर्ड भएपछि पनि लुट्ने ?’
