पोखरा । गण्डकी प्रदेशका मुख्यमन्त्री सुरेन्द्र पाण्डेले व्यक्ति र राजनीतिलाई गालि गरेर मात्रै देश सुधार्न नसकिने बताएका छन् ।
आइतबार गण्डकी आयुर्वेद अस्पतालमा विशेष सेवाको उद्घाटन गर्दै मुख्यमन्त्री पाण्डेले व्यक्ति र राजनीतिलाई गालि गरेर मात्रै देश सुधार्न नसकिने भन्दै सक्षम र सकारात्मक काम गर्न सक्ने मान्छे राजनीतिमा आउनुपर्ने बताए ।
उनले भने, ‘जनताले आफ्नो जनप्रतिनिधि आफैंले छान्ने हो । र त्यो बाट राज्य सञ्चालन गर्ने हो । म अहिले यहाँको मुख्यमन्त्री छु । मैले भन्दा राम्रो गर्न सक्ने, इच्छा राख्ने हिम्मत हुनेहरुले मलाई विस्थापित गरेर आउनु हुन्छ मेरो ठाउँमा । यहाँ व्यक्ति र राजनीतिलाई गालि गरेर केवल व्यक्तिगत कुरा मात्रै गरेर केहि कुरा सुधार्न सकिँदैन । सक्षम र गर्न सक्ने मान्छे राजनीतिमा आउनुपर्छ । नभएका कामहरु गरेर देखाउनुपर्ने अहिलेको आवश्यकता हो । तब मात्रैa नेपाल बन्न सक्छ।’
त्यस्तै उनले नकारात्मक कुराले नेपाल बनाउन नसकिने पनि धारणा राखे ।
सबै सकारात्मक कामहरु गर्दै गयो भने मात्रै स्वास्थ्य, शिक्षा सबै क्षेत्रलाई अगाडि बढाउन सकिने उनको भनाई छ ।
उनले भने, ‘नकारात्मक कुराले नेपाल बनाउन सकिँदैन । नेपाल बनाउनको लागि यसमा सबैको सकारात्मक सोचका साथ अगाडि बढ्न सक्यौं भने मात्रै हामीले गर्न सक्छौं । हाम्रै पालामा राम्रो गर्न सक्छौं । हामी सबै सकारात्मक कामहरु गर्दै गयौं भने स्वास्थ्य, शिक्षा सबै क्षेत्रलाई अगाडि बढाउन सक्छौं ।’
थप समाचारहरु
स्थानीय सरकारले अब रोजगारी सिर्जना गर्नुपर्छ : सिंह
सहकारी ठगीमा संलग्न जो कोहीमाथि अनुसन्धान हुन्छ : गृहमन्त्री लेखक
रास्वपा अध्यक्ष लामिछानेलाई अदालत उपस्थित गराइयो
पर्यटकको प्रतीक्षामा टिटीताल
रवि लामिछानेविरुद्धको मुद्दा अदालतमा पेश
अदुरदर्शी पोखरा महानगरका जनप्रतिनिधि : भ्रमण वर्ष घोषणाको मुखमा पोखरामा सर्वत्र फोहोरको थुप्रो
