लक्ष्मी–नारायण मन्दिर बनाउन जग्गा दान

रामेछाप । रामेछापको खाँडादेवी गाउँपालिका–१ राकाथुममा मन्दिर बनाउन एक दाताले जग्गा दान गरेका छन् ।
राकाथुमको गोठपानीमा लक्ष्मी–नारायण मन्दिर बनाउन स्थानीय सुन्दरलाल श्रेष्ठ र उनको परिवारले जग्गा दान गरेका हुन् । मन्दिर निर्माणको लागि ५ लाख मूल्य पर्ने १ रोपनी ६ आना जग्गा श्रेष्ठले दान गरेका वडाध्यक्ष रामकुमार श्रेष्ठले जानकारी दिए ।
जग्गादातालाई लक्ष्मी–नारायण मन्दिर संरक्षण समितिले सम्मान गरेको छ । समितिका अध्यक्ष ध्रुवकुमार श्रेष्ठको अध्यक्षता तथा वडाध्यक्ष रामकुमार श्रेष्ठको प्रमुख आतिथ्यतामा भएको कार्यक्रममा जग्गादातालाई सम्मानपत्र तथा दोसल्ला ओढाएर सम्मान गरिएको थियो ।
उक्त कार्यक्रममा बोल्दै वडाध्यक्ष श्रेष्ठले अहिलेको युगमा पनि दान गर्ने व्यक्ति अत्ति ठुलो मनका भएको बताए । मानिसहरूसँग सम्पति भएर मात्र नहुने भन्दै उनले त्यसलाई खर्च गर्न सक्ने र त्यो पनि सही ठाउँमा खर्च गर्न सक्ने क्षमता पनि हुनु पर्नेमा जोड दिए ।

थप समाचारहरु

नेपाल विश्वविद्यालयको कुलपतिमा डा.लोहनी चयन प्रधानमन्त्रीबाट सहिद स्मारक र सहिदगेटमा पुष्पहार अर्पण रामेछापको उमाकुण्ड र गोकुलगंगामा सुनुवार कोइँच लिपिको प्रशिक्षण युवा, उद्यम र रोजगारी जलवायु परिवर्तनले मानव जातिको अस्तित्वमा सङ्कट उत्पन्न गरेको छः प्रधानमन्त्री ‘विश्वव्यापी उपभोक्ता प्रदर्शन २०२५’ आजबाट सुरु