नेपालका १५ मेयर र ८ उपमेयर हैदरावादमा ढल व्यवस्थापन पढ्दै

३० साउन, काठमाडौं । ललितपुर महानगरपालिकाका मेयर चिरिबाबु महर्जन सहित १५ जना मेयर र ८ उपमेयर अहिले भारतमा छन् । नेपाल नगरपालिका संघको पहलमा एडमिनिस्ट्रेसन कलेज अफ हैदराबाद (आस्की) ले उनीहरुलाई पढाइरहेको छ ।

दिसा, लेदोजन्य फोहोर तथा ढल व्यवस्थापन सम्बन्धी २ दिने सैद्धान्तिक कक्षा लिने र ३ दिन लेदो व्यवस्थापन गर्न व्यवहारिक कक्षा लिनको लागि मेयरहरु भारत गएका हुन् ।

नगरपालिका संघका कार्यकारी निर्देशक कलानिधि देवकोटाका अनुसार फोहोर व्यवस्थापनसम्बन्धी २३ वटा नगरपालिकाबाट प्रतिनिधि हुनेगरी अध्ययनको लागि गएका हुन् ।

‘यसलाई स्यानी टुर भनिएको छ, स्यानिटेसनसम्बन्धी अध्ययन गर्ने भएकोले स्यानी टुर भनिएको हो’, देवकोटाले भने । नेपालबाट जाने जनप्रतिनिधिको सबै खर्च, टिकट आस्कीले नै व्यहारेको देवकोटाले बताए । आस्कीले यस अगाडि प्रदेश राजधानीसहित अन्य शहरहरुका जनप्रतिनिधिहरुलाई पनि लेदोजन्य फोहोर व्यवस्थापनको लागि कक्षा सञ्चालन गरेको थियो ।

सोमबारदेखि सुरु भएको कक्षामा बुटवल उपमहानगरपालिकाका मेयर खिलराज पाण्डे, धरान उपहानगरपालिकाका उपप्रमुख अइन्द्रविक्रम बेघा, चन्द्रागिरी नगरपालिकाका मेयर घनश्याम गिरी, रेसुंगा नगरपालिकाका मेयर खिलध्वज पन्थी, शारदा नगरपालिकाका मेयर प्रकाश भण्डारीलगायत रहेका छन् ।

थप समाचारहरु

नगर प्रहरी चुस्त र दुरुस्त हुनुपर्छः मेयर महर्जन ललितपुरको मेटल उद्योगमा आगलागी, जलेको अवस्थामा पुरुषको शव भेटियो निरोगी नेपाल’ अभियान संचालन गर्न स्वास्थ्य मन्त्रालयलाई प्रधानमन्त्री ओलीको निर्देशन मेक्सिकोमा न्यायिक सुधारको प्रस्तावको विरोधमा प्रदर्शन सरकारी अस्पतालमा विद्युत महशुल छुट दिलाउन मन्त्री पौडेलको सक्रियता जलवायु परिवर्तनका कारण प्राकृतिक प्रकोपको समस्या पेचिलो बन्यो : गृहमन्त्री लेखक