अरिङ्गालको टोकाईबाट घाइते एकको मृत्यु

५ कात्तिक, बाजुरा । बडीमालिका नगरपालिकामा अरिङ्गालको टोकाइबाट गम्भीर घाइते एक जनाको उपचारका क्रम गएराति मृत्यु भएको छ । असोज २५ गते अरिङ्गालले टोकेर घाइते सोही नगरपालिका–५ मनाका ६० वर्षीय डम्मबहादुर साउदको मृत्यु भएको हो ।

भारतको मुम्बइ सेन्टरस्थित नायर अस्पतालमा उपचारका क्रममा दश दिनपछि साउदको मृत्यु भएको आफन्त नरेन्द्र थापाले बताए । असोज २५ गते घरबाट करिब आधा घण्टाको दूरिमा पर्ने पान्लोटे भन्ने ठाउँमा रहेको भैँसी गोठ(छानो) नजिकै अरिङ्गालले बनाएको घार भत्काउन खोज्दा टोकेर उहाँ गम्भीर घाइते भएको थियो । उपचारका लागि जिल्ला अस्पताल बाजुरा हुँदै प्रादेशिक अस्पतालमा सम्भव नभएपछि उसलाई भारत लगिएको थियो ।

सोही घटनामा स्थानीय ६५ वर्षीय अङ्गे बडुवालको घटनास्थलमै मृत्यु भएको थियो ।

थप समाचारहरु

‘बल्ल जमिन हाम्रो हो भन्नेमा ढुक्क भयौँ’ जसपालाई समेटेर मन्त्रिपरिषद् विस्तार गर्दै प्रचण्ड पेरिस ओलम्पिक : प्रिन्स समूह चरणको सबै खेलमा पराजित मिटरब्याज पीडितहरुका समस्या चाँडो समाधान गरौं : ठाकुर गैरे नव दृष्टि आँखा अस्पतालद्वारा करिब १४ हजार जनाको निःशुल्क आँखा परीक्षण संविधान संशोधन सबैदलको सहमतिमा हुन्छ : गृहमन्त्री लेखक