१२ असाेज, काठमाडौँ । गोरखाबाट काठमाडौँका लागि छुटेको यात्रुवाहक बस सम्पर्कविहीन भएको छ ।
शुक्रवार धार्चे गाउँपालिका लापुवेशीबाट काठमाडौँ आउँदै गरेको ना ४ ख २२७० नम्वरको बस हालसम्म पनि सम्पर्कमा आएको छैन ।
गोरखाका प्रमुख जिल्ला अधिकारी भोला दाहालले नेपालटिभीअनलाइनसँग कुरा गर्दै बस बेपत्ता भएको पुष्टि गर्नुभयो । उहाँले बस धादिङको खानी खोलासम्म पुगेको प्रारम्भिक जानकारी प्राप्त भएको बताउनुभयो ।
‘त्यो दिन राति दश बजे खानीखोला पुगेर सम्पर्क भएको थियो,’ गोरखा दरौँदी यातायात सेवा कम्पनी प्रालिका अध्यक्ष नारायण खत्रीले भन्नुभयो, ‘त्यसदेखि यता सम्पर्क हुन सकेको छैन ।’
खत्रीका अनुसार मुग्लिनसम्म पुग्दा बसमा एक जना यात्रु र तीन जना स्टाफ गरी कुल चार जना सवार थिए ।
बस सम्पर्कविहीन भएको भनी खवर प्राप्त भएको जिल्ला प्रहरी कार्यालय गोरखाले जनाएको छ ।
खोजी कार्यका लागि आवश्यक समन्वय भइरहेको प्रहरी नायव उपरीक्षक रमेशकुमार श्रेष्ठले बताउनुभयो ।
हराएको बसको खोजी कार्यमा सहयोग गरिदिन प्रालिले आग्रह समेत गरेको छ ।
थप समाचारहरु
हुबहु समाचार सार्ने १८३ अनलाइन काउन्सिलको कारबाहीमा
सिमलताल घटना : कार्यदलले काम थाल्यो
एकीकृत समाजवादीका निर्वाचित ८४ जना पोलिटब्युरो सदस्य (मत परिणामसहित)
माघे संक्रान्ति नजिकिएसँगै बजारमा तरूल किन्नेको भिड (फोटो/भिडियो)
केपी ओली कपःपहिलो खेलमा एपीएफ र संकटा भिड्दै
राष्ट्रपति पौडेलसँग राष्ट्रिय फोटो पत्रकार समूहको भेट
