कञ्चनपुरको दोदा नदीमा बाढी, धनगढी-बेलौरी सडक अवरुद्ध

२८ भदौ, काठमाडौं  ।  कञ्चनपुरको पुनर्वासस्थित दोदा नदीमा बाढी आउँदा धनगढीबेलौरी हुलाकी सडकखण्ड अवरुद्ध भएको छ । बुधबार रातीदेखि परेको अविरल वर्षाले दोदा नदीमा बाढी आउँदा पुनर्वास नगरपालिका-५ मा धनगढी बेलौरी हुलाकी सडकखण्ड अवरुद्ध भएको हो ।

अहिले आवतजावत बन्द गरिएको छ । सडक माथिबाट पानीको बहाब बढिरहेको छ भने पुनर्वास नगरपालिका-५ का सिमरी, रातोताल र पुनर्वास-२ को दशरथबस्ती डुबानमा परेको छ ।

बाढी आउँदा सिमरी र रातोतालका ६०/७० घरपरिवार डुबान र दशरथबस्तीका ६/७ घर डुबान परेको इलाका प्रहरी कार्यालय पुनर्वासका प्रहरी निरीक्षक महेश विक्रम शाहीले बताए । घरभित्र पानी पसेका घरपरिवारहरुलाई नजिकैको विद्यालय र मन्दिरमा राखिएको प्रहरीले जनाएको छ ।

बस्तीमा पानी पस्न थालेपछि सुरक्षित स्थानमा स्थानान्तरणका लागि जनप्रतिनिधि, नेपाल प्रहरी, सशस्त्र प्रहरी डुबान क्षेत्रमा खटिएका छन् ।

थप समाचारहरु

रसुवागढी नाकाबाट सुनसहित ३ जना पक्राउ यस्तो छ शुक्रबारको विदेशी मुद्राको विनिमय दर थारु भाषाको म्युजिक भिडियो “लहान बजारमे” सार्वजनिक घमाइलो देखियो हलचोक आसपासको काठमाडौं उपत्यका (फोटो फिचर) दलित, महिला बहिष्कार गरेर बनाइने ‘सुखी नेपाली’ कस्तो हो भन्दै प्रचण्डको प्रश्न खाद्य सुरक्षाका लागि मलखादमा ६६ प्रतिशतसम्म अनुदान : मन्त्री अधिकारी