२७ भदौ,काठमाडौँ । नेपाली काँग्रेसका महामन्त्री गगन थापाले स्थानीय तहको जनप्रतिनिधिहरूलाई आफूले गरेको कामको प्रचार गर्न निर्देशन दिएका छन् ।
पार्टीबाट विजयी स्थानीय तहका प्रमुखहरूलाई सम्मान कार्यक्रमलाई सम्बोधन गर्दै धेरै राम्रो काम गरे पनि स्थापित गर्न नसकेको बताए ।
उनले भने, ‘हाम्रो साथीहरूले स्थानीय तहमा धेरै काम गर्नुभएको छ । तर, हामीले आफूले गरेको कामको प्रचार गर्न नजानेको कारणले आफूले गरेको कामलाई स्थापित गर्न सकेका छैनौँ । त्यसमा पार्टीले पनि केही कुरा सच्याउनुपर्छ । वडाध्यक्षले गरेको कामको प्रचार त्यहीको साथीहरूले गर्नुपर्छ ।
उनले आगामी स्थानीय तहको उपनिर्वाचनमा ३४ मध्ये २१ काँग्रेसले जितेको ठाउँमा हुन लागेको भन्दै त्यतातर्फ लाग्न आग्रह गरे। पहिले जितेको ठाउँलाई फर्काउँदै थप गर्नुपर्ने बताए ।
उनले एमालेसँग भएको सात बुँदे सहमति कार्यान्वयन गर्दै आवश्यकता अनुसार संविधान संशोधन गर्ने बताए ।
उनले भने, ‘अहिले एमालेका अध्यक्षले सरकारको नेतृत्व गर्नुभएको छ । त्यसपछि हाम्रो पार्टीको सभापतिले गर्नुहुन्छ । हामी सहमतिअनुसार संविधान संशोधन गछौँ ।’
थप समाचारहरु
आवश्यक पर्दा क्रान्तिको बाटो अपनाउनुपर्छ : प्रधानमन्त्री
सहकारी क्षेत्रका कानून कार्यान्वयनमा कमिः सभापतिथापा
सत्ता जनताको सेवा गर्ने राजनीतिक साधन हो साध्य होइन’
वार्षिक कार्ययोजना समयमै सम्पन्न गर्न मन्त्री गुप्ताको निर्देशन
कीर्तिपुर नगरका लागि माओवादी केन्द्रको प्रतिबद्धता पत्र सार्वजनिक
नहर मासेर ढल निर्माण गर्न खोज्दा दुई दिनदेखि लहान तनावग्रस्त
