२७ भाद्र, काठमाडौँ । राष्ट्रिय स्वतन्त्र पार्टीले उपसभामुख इन्दिरा रानालाई पदबाट हटाउने कदम घातक हुने चेतावनी दिएको छ । सिंहदरबारमा बसेको रास्वपा सचिवालय बैठकले उपसभामुखलाई पदबाट हटाउन खोजिएको भए गलत हुने र सत्तागठबन्धनका लागि घातक हुने चेतावनी दिएको हो ।
बैठकपछि रास्वपा सभापति रवि लामिछानेले उपसभामुखलाई हटाउने काम गलत हुने र दुई तिहाई शक्तिको दुरुपयोग नगर्न बैठकले ध्यानाकर्षण गराउने निर्णय गरेको बताउनुभयो । यस बिषयमा सत्तापक्षका नेताहरुको पनि ध्यानाकर्षण गराइएको उहाले बताउनुभयो । पोखरामा आफुलाई देखाइएको कालोझण्डा सहकारी पिडितको पिडा रहेको भन्दै खुल्ला रुपमा छलफल गर्न आफु तयार रहेको उहाले बताउनुभयो ।
त्यस्तै रास्वपा कार्यवाहक प्रवक्ता मनिष झाले १८ महिना अघि लेखिएको पत्रलाई लिएर उपसभामुखलाई हटाउने खोज्नु राजनीतिक दाउपेच मात्र भएको बताउनुभयो । उहाले संवैधानिक परिषदलाई आफ्नो अनुकुल बनाउनका लागि सत्तागठबन्धनले उपसभामुख हटाउन खोजेको जिकिर गर्नुभयो । उपसभामुखका बिषयमा कुनै औपचारिक कदम नचालिएकाले पर्ख र हेरको अवस्थामा पार्टी रहेको उहाँको भनाइ थियो ।
थप समाचारहरु
बा गिरीबन्धुमा भ्रष्टाचारी, छोरा सहकारी ठग !
अझै समय छ, सहकारी ठगलाई पक्राउ गर्नुहोस्ः सांसद शाही
वर्तमान सरकारले उत्कृष्ट काम गरेर देखाउँछ : मन्त्री सिंह
राहत र पुनः स्थापनामा सरकार ढृढ र सक्रिय छ : प्रधानमन्त्री
‘सहरी र ग्रामीण स्वास्थ्य सेवामा ठूलो खाडल छ’
शिक्षा मन्त्रालयले त्रिवि जग्गा खोजबिन समितिको प्रतिवेदन सार्वजनिक गर्ने
