काठमाडौं । ललितपुर महानगरपालिका ९ च्यासलस्थित दोभान खोलाको पुलबाट एक जना किशोरीले बागमती नदीमा हामफालेकी छन् ।
प्रहरीले घटनाको जानकारी पछि खोजी कार्य सुरु गरेको जनाएको छ । त्यसक्रममा पुलमुनि २० वर्षकी अञ्जली शर्माको नोटसहित ब्याग र मोबाइल पनि फेला परेको प्रहरीले जानकारी दिएको छ ।
प्राप्त नोटमा रुकुम मुसिकोट घर भइ हाल ललितपुरको बालकुमारीस्थित कोठामा बस्दै आएको व्यहोरा खुलेको छ । तर उक्त नोट हामफालेकै युवतीको हो कि होइन भन्नेमा प्रहरीले यकिन गरेको छैन ।
हामफल्ने युवतीको खोजी भइरहेको प्रहरीको भनाइ छ ।
